Javyʼákena pe esperánsa jarekóvare

Ñane esperánsa ikatu ñakompara peteĩ ánklare (Heb 6:19). Umi ánkla ningo oipytyvõ pe várkope opyta hag̃ua peteĩ hendápe torménta jave, péicha avei ñane esperánsa ikatu ñanepytyvõ jasegi hag̃ua jajerovia mbarete jahasa jave umi torménta térã umi mbaʼe ikatúva omokangy ñande jerovia (1Ti 1:18, 19). Umi torménta ikatúva jahasa haʼe hína: ñañeñandu vai jajavy haguére, japerdepaite ñande kosakuéra, ñanderasy heta tiémpore, omano peteĩ ñane hénte térã ñane amígo térã oimeraẽ mbaʼe ikatúva ñanemomombyry Jehovágui.

Pe fe ha pe esperánsa ñanepytyvõ jahecha hag̃ua umi mbaʼe porã ñaneraʼarõva (2Co 4:16-18; Heb 11:13, 26, 27). Upévare tahaʼe jarekóramo pe esperánsa jahávo yvágape térã japytávo ko yvy ape ári, jajepyʼamongeta meme vaʼerã umi promésa oĩvare la Bíbliape. Péicha, jahasa vove umi situasión ijetuʼúva, ifasilvéta ñandéve vyʼápe jagueropuʼaka hag̃ua umíva (1Pe 1:6, 7).

PEHECHA RIRE PE VIDÉO “PEVYʼÁKE PE ESPERÁNSA PEREKÓVARE”, PERRESPONDE KOʼÃ PREGÚNTA:

• ¿Mbaʼérepa Moisés ehémplo porã ñandéve g̃uarã?

• ¿Mbaʼe rresponsavilidápa oreko umi omoakãva hogapy?

• ¿Mbaʼe témarepa ikatu peñeʼẽ pejapo vove pende Estúdio de Família?

• ¿Mbaʼéichapa pe esperánsa ikatu penepytyvõ pegueropuʼaka hag̃ua umi pruéva pehasáva?

• ¿Mbaʼépa pe promésa reipotavéva oñekumpli?