“Tereho eñemoĩ porã raẽ ne ermánondi”

Eñeimahinamína reikoha Galiléape Jesús tiémpope ha reviahaha Jerusalénpe pe Fiésta de las Kavañasrã. Hetaiterei hénte oĩ avei oúva opáguio ko fiestarã ha remañahápente heta la movimiénto, ha nde ehasa vaʼerã umi hénte paʼũrupi nde kavara reheve reho hag̃ua rejapo nde sakrifísio Jehovápe. Eikese pe témplope, péro ijetuʼu ndéve pórke atyraite la hénte ohóva avei ojapo hag̃ua isakrifísio. Hasypeve otoka ndéve entrega hag̃ua la nde kavara umi saserdótepe, péro upe javete nemanduʼa peteĩ ermáno orekoha álgo ne kóntrape, oiméne haʼe oĩ avei hína pe témplope térã algún ládo pe siudápe. Jesús omombeʼu mbaʼépa iporã ejapo péicha jave (elee Mateo 5:24). ¿Mbaʼépa pejapo vaʼerã pe ermáno ha nde pesegi hag̃ua pe konsého Jesús omeʼẽ vaʼekue ha péicha peime porã jey oñondive? Emarka umi rrespuésta oĩ porãva koʼã lístape.

NDÉPA ERE IPORÃVETAHA...

• Eñeʼẽramo pe ermánondi sólamente epensáramo haʼe orekoha rrasón ipochy hag̃ua ne kóntrape.

• Eñehaʼãramo ekonvense chupe haʼe ojavy hague térã orekoha avei la kúlpa.

• Ehendu porãnteramo chupe eikuaa hag̃ua mbaʼéichapa oñeñandu. Ha nerentendeporãirõ jepe chupe lomímonte ejediskulpa hendive remoñeñandu vai haguére chupe térã oiko haguére álgo nde káusare.

NDÉPA ERE IPORÃVETAHA HAʼE...

• Ohóramo omombeʼupaite umi ótro ermánope mbaʼépa ejapo hese ikatu hag̃uáicha oñemoĩ hikuái iládo.

• Ohekýiramo ndéve umi mbaʼe ejapo vaʼekue hese ha ndejopy easepta hag̃ua nde erekoha la kúlpa.

• Ohechakuaáramo tekotevẽha kuri neumílde ha ndepyʼaguasu eho hag̃ua eñeʼẽ hendive ha neperdona ipyʼaite guive.

Ndajajapovéimaramo jepe koʼág̃arupi sakrifísio de animál jaadora hag̃ua Ñandejárape, ¿mbaʼéichapa Jesús heʼíva ohechauka ñaime porã vaʼerãha ñane ermanokuérandi Jehová oasepta hag̃ua ñane adorasión?