“Pehundi umi dios fálso raʼanga”

Oĩ mboyve jepe peteĩ léi ohechaukáva ndovaleiha ñamombaʼe umi taʼanga, Jacob oikuaáma kuri Jehovápe añoite ojeadora vaʼerãha (Éx 20:3-5). Upévare Jehová heʼírõ guare chupe oho jey hag̃ua Betélpe, Jacob ojerure ifamiliakuérape ha entéro persóna ohóvape hendive, ohundipa hag̃ua umi dios fálso raʼanga orekóva. Upéi Jacob oñotỹmbaite umi taʼanga ha avei umi namichãi. Posívlemente oipurúmi hikuái umi namichãi amulétoramo (Gé 35:1-4). Oiméne ovyʼaite raʼe Jehová ohechávo la Jacob ojapóva.

Ha ñande, ¿mbaʼéichapa ikatu jahechauka jaadoraha Jehovápe añoiténte? Primeroite voi ñamboyke vaʼerã umi dios fálso raʼanga ha pe espiritísmo. Upéva heʼise tekotevẽha ñahundipaite oimeraẽ mbaʼe orekóva máhia térã algúna kósa oúva umi demóniogui. Ñañatende vaʼerã avei mbaʼépa jajapo jajediverti hag̃ua. Por ehémplo, epensamína umi lívro eleévare térã umi pelíkula ehechávare, ¿oñeʼẽpa umi vampíro, sómbi térã umi orekóvare podér sovrenaturál? ¿Ohechaukápa umi máhia, echíso térã paje haʼerõguáicha vyroreínte? Ñande ningo ñamboykete vaʼerã umi mbaʼe Jehovápe ndogustáiva (Sl 97:10).

EHECHA PE VIDÉO “PEÑEMOĨ MBARETÉKE PE AÑÁRE”, HA UPÉI ERRESPONDE KOʼÃ PORANDU:

• 

  ¿Mbaʼe provlémapa oreko peteĩ estudiánte hérava Palesa?

• 

  ¿Mbaʼérepa iñimportánte jajerure umi ansiánope tañanepytyvõ oĩramo orekóva provléma espiritísmondi?

• 

  Jaipotáramo Jehová ñandeprotehe, ¿mbaʼépa tekotevẽ ñahundiete?

• ¿Mbaʼe iñimportántevapa odesidi raʼe Palesa?

• Pe lugár nde reikohápe, ¿mbaʼéichapa ikatu remboykete umi mbaʼe oúva umi demóniogui?