JAIKO KRISTIÁNO TEÉICHA
Jasegíkena José ehémplo ha jadipara pe tekovaígui
José oheja ñandéve peteĩ ehémplo iporãitereíva jaikuaa hag̃ua mbaʼépa jajapo vaʼerã oñepresentáramo ñandéve pe tentasión ñanderekovai hag̃ua. Káda ves ke ipatrón rembireko oñehaʼã oity hag̃ua chupe, José orrechasa chupe (Gé 39:7-10). Haʼe heʼi voi: “¿Mbaʼéichaiko ajapóta ko mbaʼe vaiete ha péicha apeka Ñandejára renondépe?”. Péicha ojekuaa haʼe ojepyʼamongeta ha ontende hague mbaʼeichaitépa Jehovápe g̃uarã iñimportánte ména ha tembireko ifiél ojupe. Upévare oĩrõ guare peteĩ situasión ikatuhápe ojapo peteĩ mbaʼe vai, José odipara upégui. Haʼe ndopytaséi ojearriesga pórke oikuaa pe kuña ojapotaha ikatúva guive okonvense hag̃ua chupe ojapo hag̃ua ivaíva (Gé 39:12; 1Co 6:18).
EHECHA PE VIDÉO PEDIPARÁKENA TEKOVAÍGUI, UPÉI ERRESPONDE KOʼÃ PORANDU:
¿Mbaʼe situasiónpa ohasa raʼe Jin?
¿Mbaʼépa Jin opensa raʼe Mee-Kyong ojerurérõ guare chupe ajúda ojapo hag̃ua itaréa de matemátika?
¿Mbaʼéichapa Jin oñeñandu raʼe Mee-Kyong otrata lájare chupe?
¿Mávapepa ojerure raʼe Jin oipytyvõ hag̃ua chupe?
¿Mbaʼépa ojapo Jin odipara hag̃ua pe tekovaígui?
¿Mbaʼépa ñaaprende ko vidéogui?