JAIKO KRISTIÁNO TEÉICHA
Tuakuéra, pemboʼékena pene famíliape oĩ hag̃ua preparádo
Ko múndope ningo ojeʼe umi mbaʼe iporãvare ivaiha ha umi mbaʼe vaíre katu ojeʼe iporãha (Is 5:20). Ñambyasýramo jepe heta hénte ojapo umi mbaʼe ndogustaietéva Jehovápe, por ehémplo oĩ ojapóva umi mbaʼe naiporãiva hapicha kuimbaʼe térã hapicha kuñándi. Pene família kompañerokuéra térã ótra persóna ikatu hína okonvensese chupekuéra ojapo hag̃ua avei koʼã mbaʼe naiporãietéva. Tuakuéra, ¿mbaʼéichapa ikatu peprepara pene famíliape ombohovái porã hag̃ua koʼãichagua situasión?
Pemboʼe chupekuéra Jehová mandamientokuéra (Le 18:3). Ha amedída ke okakuaa ohóvo, pemboʼe chupekuéra mbaʼépa heʼi la Biblia pe rrelasión sexuál rehe (Dt 6:7). Iporãta peñeporandúramo: “Oiméramo chefamília kuimbaʼe, ¿amboʼépa chupe mbaʼéichapa oñekomporta vaʼerã kuñanguérandi? Térã oiméramo kuña, ¿amboʼépa chupe mbaʼéichapa oñekomporta vaʼerã kuimbaʼekuérandi? ¿Ontendépa hikuái iñimportanteha idesénte oñemonde lája? ¿Ontendépa che família umi ótra persóna orrespeta vaʼerãha chupekuéra? ¿Oikuaápa hikuái mbaʼépa ojapo vaʼerã ojehechaukáramo chupekuéra pornografía térã ojejapokaséramo chupekuéra álgo ivaíva?”. Pene familiakuéra oikuaámarõ koʼã mbaʼe ningo ojeíta hikuái heta akã rasýgui (Pr 27:12; Ec 7:12). Pehekomboʼéramo pene famíliape pehechaukáta pevaloraha pe erénsia Jehová omeʼẽva peẽme (Sl 127:3).
EHECHA PE VIDÉO ÑAIPYTYVÕKENA ÑANE FAMÍLIAPE OAGUANTA HAG̃UA: ÑAMBOʼE ÑANE FAMÍLIAPE OJEKUIDAKUAA HAG̃UA, HA UPÉI ERRESPONDE KOʼÃ PORANDU:
¿Mbaʼérepa ijetuʼu jepi tuakuérape oñeʼẽ hag̃ua ifamíliape rrelasión sexuál rehe?
¿Mbaʼérepa tuakuéra ‘okorrehi ha oñemoñeʼẽ’ vaʼerã ifamíliape Jehová oipotaháicha? (Ef 6:4).
Pe arandu ñandeprotehe
¿Mbaʼe erramiéntapa omeʼẽ Jehová organisasión tuakuérape? (w19.05 12).
¿Mbaʼérepa iñimportánte peñemongeta meme pene famíliandi oiko mboyve umi provléma?