Oĩ porãva térã oĩ vaíva: Enterovéva jadesidi vaʼerã

Oiméramo nde rehose peteĩ lugárpe, péro ndereikuaái mbaʼéichapa reg̃uahẽta, ¿mbaʼépa rejapokuaa?

1. 1. Eho pe direksión nde repensahápe iporãveha.

2. 2. Esegi umi ótrope, ha ehaʼarõ haʼekuéra oikuaa la tape.

3. 3. Eheka peteĩ gía ikonfiávleva, por ehémplo GPS, mápa térã peteĩ ne amigoite oikuaa porãva la tape.

Jaelehíramo pe opsión 1 térã 2, ñag̃uahẽta algún ládo, péro ndahaʼéi katuete pe lugár ñag̃uahẽsehápe. Péro jaelehíramo pe opsión 3, ñaimekuaa segúro katuete ñag̃uahẽtaha pe lugár ñande ñag̃uahẽsehápe hína.

Ñande rekove ningo haʼete avei peteĩ viáhe, ha enterovéva ñag̃uahẽse el mísmo lugárpe: javyʼase koʼág̃ama voi ha avei amo gotyove. Péro jahupyty hag̃ua upéva tuichaiterei odepende moõpa jaheka pe gía ha mbaʼépa jareko enkuénta jadesidi hag̃ua.

Oĩ heta mbaʼe jadesidi vaʼerã michĩetereíva, péro oĩ avei umi iñimportánteva. Ha asegún la jadesidíva, jahechaukáta umi mbaʼe jagueroviávapa oĩ porã térãpa oĩ vai. Koʼãichagua desisión ikatu ñanepytyvõ térã ñandeperhudika heta tiémpore, tahaʼe ñandéve voi ha avei umi jahayhúvape. ¿Mbaʼeichagua desisiónrepa ñañeʼẽ hína? Umi desisión iñimportántevare, por ehémplo:

• Umi rrelasión sexuál ha pe matrimónio

• Ñaneonrrádo, ñambaʼapo ha ñandepláta vaʼerãpa

• Mbaʼéichapa oñemongakuaa vaʼerã umi mitãme

• Mbaʼéichapa jatrata vaʼerã ñande rapichápe

Umi mbaʼe redesidíva koʼã mbaʼépe, ikatu nepytyvõ ndéve ha ne famíliape pevyʼa hag̃ua koʼág̃a ha amo gotyove. Péro, ¿mbaʼéichapa ikatu reĩ segúro redesidi porãtaha?

Oĩ peteĩ mbaʼe tekotevẽva káda uno ñañeporandu: “¿Mbaʼéicha aikuaáta mbaʼépa oĩ porã térã oĩ vai, ha asegún upéva adesidi porã hag̃ua?”.

Ko rrevísta nepytyvõta rehechakuaa hag̃ua mbaʼépa la Biblia heʼi oĩ porãha térã oĩ vaiha. Avei reikuaáta mbaʼérepa ikatu rejerovia hese ha mbaʼéichapa upéva ikatu nepytyvõ.