‘Peñomokyreʼỹkena’

Jahasa jave tiémpo ñane ermanokuérandi tuicha ñañomokyreʼỹ. Péro ñañomokyreʼỹ añete hag̃ua ndeʼiséi jahasánte vaʼerãha tiémpo oñondive. Tekotevẽ jajapove ótra kósa. La Biblia heʼi ñañomokyreʼỹ vaʼerãha ñande jerovia rupive ha ñañomombarete vaʼerãha (Rom. 1:​11, 12). ¿Mbaʼéichapa ikatu jajapo upéva?

Emokyreʼỹ ótrope umi mbaʼe eréva rupive. Por ehémplo, ekomenta jave rreunionhápe, eñatendékena ani hag̃ua eñeʼẽ ndejehénte. Upéva rangue eñeʼẽ la reaprende vaʼekuére Jehovágui, Iñeʼẽ la Bíbliagui ha isiervokuéragui. Reñemongeta jave ermanokuérandi, eñeʼẽkena umi mbaʼe ikatútavare omokyreʼỹ ha omombarete chupekuéra.

Emokyreʼỹ ótrope umi mbaʼe edesidíva ha ejapóva rupive. Por ehémplo, umi ermáno ikatu ikyreʼỹ ohechávo edesidiha esegitaha eservi Jehovápe de tiémpo kompléto, ijetuʼúramo jepe la ne situasión. O ikatu oime ohecha hikuái rehoha rreunionhápe erekóramo jepe peteĩ mbaʼasy, térã nekaneʼõitereíramo jepe un diaite rembaʼapo rire.

Epensamína, ¿remokyreʼỹpa ótrope la eréva ha rejapóva rupive? ¿Ha reaprovechápa umi ermáno ha ermána nemokyreʼỹ jave?