Eñehaʼãkena ejeroviave Jehová ikatuha ndesalva

Elee Números 13:25–14:4 ehecha hag̃ua mbaʼéichapa umi israelita ou vaʼekue ndojeroviavéi Jehováre.

Eanalisa porã la oiko vaʼekue: ¿Mbaʼérepa umi israelita ojerovia vaʼerã kuri Jehová osalvataha chupekuéra? (Sal. 78:​12-16, 43-53). ¿Mbaʼéicha rupípa haʼekuéra ou vaʼekue nokonfiavéi Jehováre? (Deut. 1:​26-28). ¿Mbaʼéichapa Josué ha Caleb ohechauka vaʼekue idiferenteha umi ótro israelítagui? (Núm. 14:​6-9).

Eanalisa porã pe rreláto: ¿Mbaʼépa ojapo vaʼerãmoʼã umi israelita ojeroviave hag̃ua Jehováre? (Sal. 9:10; 22:4; 78:11). ¿Mbaʼérepa jarrespeta vaʼerã Jehovápe ikatu hag̃uáicha ñakonfia hese? (Núm. 14:11).

Ehecha mbaʼépa reaprende: Eñeporandumína:

• “¿Mbaʼéicha javépa ikatu ijetuʼuve chéve ajerovia hag̃ua che pyʼaite guive Jehováre?”.

• “¿Mbaʼépa ikatu ajapo akonfiave hag̃ua Jehováre koʼág̃ama voi ha amo gotyove?”.

• “¿Mbaʼe rehepa ikatu aime segúro amáske hiʼag̃ui pe jehasa asy guasu?” (Luc. 21:​25-28).