¿Mávapa omoñepyrũ raʼe umi testígo de Jehová organisasión?

Umi testígo de Jehová ñane tiempopegua oñepyrũ ombaʼapo oñondivepa síglo 19 pahárupi. Upe tiémpope peteĩ grúpo de estudiánte de la Biblia Pittsburghpegua (Pensilvania, Estados Unidos) oñepyrũ ohesaʼỹijo porã Ñandejára Ñeʼẽ. Upérõ guare haʼekuéra ohecha avei umi mbaʼe omboʼéva rrelihionkuéra oĩpa añetehápe la Bíbliape. Upéi oñepyrũ oikuaauka umi mbaʼe oaprendéva hikuái. Oskrivi heta artíkulo osẽva diáriope, ojapo lívro ha avei pe rrevísta koʼág̃a hérava Ñemañaha. Oikuaauka Jehová Sãmbyhy.

Charles Taze Russell oĩ vaʼekue upe grúpope. Haʼe ojapo ypy vaʼekue pe rrevísta Ñemañaha ha omoakã ko grúpo, péro upéva ndeʼiséi haʼe omoñepyrũ hague peteĩ rrelihión pyahu. Umi Estudiánte de la Biblia (koʼág̃a haʼéva testígo de Jehová) ha Russell oikuaaukasénte umi mbaʼe Jesucristo omboʼe vaʼekue ha ojapose opa mbaʼe kongregasión kristiána síglo primeropegua ojapo haguéicha. Ha pe kongregasión kristiána ningo omoñepyrũ vaʼekue Jesús, upévare roʼekuaa haʼe voi omoñepyrũ hague ore organisasión (Colosenses 1:18-20).