2 | Jakuida ñande pláta

MBAʼÉREPA IÑIMPORTÁNTE

Heta hénte ningo káda día oñehaʼã ohupytymi hag̃ua hemikotevẽ, ha ijetuʼuvéntema chupekuéra upéva oĩ rupi heta provléma ko múndope. ¿Mbaʼérepa?

• Oĩ jave heta provléma peteĩ sónape, ojupipaite las kósa ha ijetuʼu oñekonsegi hag̃ua tembiʼu ha peteĩ lugár ojeiko hag̃ua.

• Hasyeterei oñekonsegi hag̃ua traváho osino katu ojepaga saʼieterei.

• Oiko jave sarambi térã algún desástre naturál oñehundipa jepi umi hénte kosakuéra, por ehémplo hóga térã inegósio. Ha ou opyta hikuái ipo iñakã ári.

Mbaʼépa jareko vaʼerã enkuénta

• Koʼág̃a jaipuru porãramo la ñande pláta, ikatúta jagueropuʼaka porãve ivai jave la situasión.

• Ikatu hína og̃uahẽ peteĩ moménto ñane mbaʼerepy ndoservimoʼãihápe mbaʼeverã, por ehémplo ñande suéldo, ñande aórro ha ótra kósa jarekóva.

• Natekotevẽi katuete ñandepláta javyʼa ha jajogueraha porã hag̃ua ñane famíliandi.

Mbaʼépa ikatu jajapo

La Biblia heʼi: “Jarekóma guive jaʼumi vaʼerã ha ñande aorã, javyʼáma vaʼerã koʼã mbaʼére” (1 Timoteo 6:8).

Javyʼa la jarekóvare ndeʼiséi jarekotaha entéro mbaʼe jaipotáva, síno heʼise ñañekontentaha jarekóramo umi mbaʼe ñaikotevẽva. Iñimportánte jareko enkuénta upéva koʼýte ipoʼi jave la pióla.

Javyʼa hag̃ua la jarekóvare tekotevẽ jaipurukuaa ñande pláta. Por ehémplo, jaikuaáramo nañaimeiha jajogua hag̃uáicha álgo ha lomímonte jajogua, ñanemanduʼa vaʼerã upéi jaiketaha hetave akãrasýpe.