Kuarahy opyta

EMAÑAMI Josuére. Haʼe heʼi: ‘Kuarahy, ani rekuʼe!’. Ha pe Kuarahy opyta. Upepete opyta pe yvága mbytépe un día entéro. Jehová ojapo upéva! Péro jahechami mbaʼérepa Josué oipota pe Kuarahy opyta ha osegi ohesape.

Oñepyrũvo umi cinco rréi ñaña oĩva Canaánpe oñorairõ Gabaón ndive, umi gavaoníta omondo peteĩ kuimbaʼe ojerure hag̃ua Josuépe oipytyvõ hag̃ua chupekuéra. Pe kuimbaʼe heʼi: ‘Pyaʼe eju ore rendápe!’. ‘Oresalvamína! Enterove umi rréi oĩva umi montáña oĩhárupi oñorairõhína nde siérvo ndive’.

Pyaʼe porã oho Josué ha isoldadokuéra. Pyhare entéro oguata hikuái. Og̃uahẽvo Gabaónpe, umi cinco rréi soldadokuéra oñemondýi ha osẽ odisparapa. Upe jave Jehová ombou yvágagui amandáu tuichaicháva, ha hetave omano pe amandáugui, umi Josué soldádo ojukávagui.

Josué ohecha Kuarahy oiketamaha. Pytũtama, ha heta umi cinco rréi iñañáva soldádo odisparapáta. Upévare Josué oñemboʼe Jehovápe ha upe rire heʼi: ‘Kuarahy, ani rekuʼe!’. Ha pe Kuarahy osegígui ohesape, umi isrraelíta ogana pe ñorairõ.

Canaánpe oĩve heta rréi iñañáva ha ndaijaʼéiva Ñandejára puévlore. Josué ha ijehérsitope ogueraha seis áño rupi ohundipa hag̃ua 31 rréi oĩva pe tetãme. Upe rire, Josué ombojaʼouka pe yvy umi trívu oikotevẽvape.

Ohasa heta áño, ha ipahápe Josué omano oguerekópe 110 áño. Haʼe ha iñamigokuéra oikove aja, umi hénte iñeʼẽrendu Jehovápe. Péro omano rire haʼekuéra, umi hénte ojapo ivaíva ha iprovléma hikuái. Koʼág̃a añetehápe oikotevẽ hikuái Ñandejára oipytyvõ chupekuéra.