Lección 11

Creencia ha costumbre naiporãiva Ñandejárape

Mbaʼeichagua creencia ha costúmbrepa oĩ vai? (1)

Ogueroviavaʼerãpa cristianokuéra Ñandejára haʼeha peteĩ Trinidad? (2)

Mbaʼérepa cristiano añetegua ndofestejái Navidad, Pascua Florida ha cumpleaños? (3, 4)

Ikatúpa omanovaʼekue ojapo mbaʼe vai ñanderehe? (5)

Omanópa Jesús peteĩ kurusúre? (6)

Tuicha mbaʼépa pe Ñandejárape ñambovyʼa? (7)

1. Ndaopavavéi creencia ha costumbre ivai. Upéicharõ jepe Ñandejára ndohechaporãi umi oúva religión fálsagui térã omboʼéva Bíbliape oĩʼỹva. (Mateo 15:6.)

2. Trinidad: Haʼépa Jehová peteĩ Trinidad, heʼiséva mbohapy persona oĩva peteĩme?  Nahániri.  Jehová, ñande Ru, haʼe “Tupã añete ha peteĩetéva”. (Juan 17:3; Marcos 12:29.) Jesús haʼe Ñandejára Raʼy ypykue, ha upévare oñemoĩ Ñandejára poguýpe. (1 Corintios 11:3, VP.) Túva tuichave Taʼýragui. (Juan 14:28.) Pe espíritu santo katu ndahaʼéi peteĩ persona; haʼe pe fuerza activa Ñandejára oiporúva. (Génesis 1:2; Hechos 2:18.)

3. Navidad ha Pascua Florida: Jesús nonaséi 25 de diciembre, haʼe onase uvei 1 de octubre rupi. Umi árape ovechakuéra oguerekóva oñangareko hesekuéra okápe pyharekue. (Lucas 2:8-12.) Arakaʼeve Jesús ndeʼíri jafesteja hag̃ua ára haʼe onase hague. Heʼi uvei ñanemanduʼa hag̃ua pe ára omano hague. (Lucas 22:19, 20.) Navidad ha umi costumbre oĩva hendive ou religión falsa ymaguarégui. Upeichaite avei umi mbaʼe ojejapóva Pascua Florídape, ojeporuhápe conejo ha huevo de Pascua. Iñepyrũme cristianokuéra ndofestejaivaʼekue Navidad térã Pascua Florida, upévare avei ndojapói koʼág̃a umi cristiano añetéva.

4. Cumpleaños: Bíbliape oñemombeʼu mokõi cumpleaños añoite, ha umíva ojapovaʼekue tapichakuéra ndoadoráiva Jehovápe. (Génesis 40:20-22; Marcos 6:21, 22, 24-27.) Umi cristiano ypykue ndofestejaiʼakue cumpleañokuéra. Pe costumbre ojegueru umi religión falsa ymaguarégui. Cristiano añetéva omeʼẽ regalo ha ovyʼa oñondive oimeraẽ árape.

5. Omanóvagui jekyhyje: Omanovaʼekue ndaikatúi ojapo ha oñandu mbaʼeve. Ñande ndaikatúi ñaipytyvõ chupekuéra, ha haʼekuéra ndaikatúi ojapo mbaʼe vai ñanderehe. (Salmo 146:4; Eclesiastes 9:5, 10.) Pe alma omano; ndoikovéi ñemano rire. (Ezequiel 18:4.) Ha sapyʼánte katu umi ángel aña, oñehenóiva demonio, oñembohasa haʼerõguáicha umi omanovaʼekue espíritu. Opaichagua costumbre oĩva ha ojejapóva ojekyhyjégui omanovaʼekuégui térã oñemeʼẽ hag̃ua adoración chupekuéra, naiporãi. (Isaías 8:19.)

6. Kurusu: Jesús nomanói peteĩ kurusúre; omano uvei peteĩ yvyráre, peteĩ poste. Pe ñeʼẽ oúva griégogui ha ojehaíva “kurusu” heta Bíbliape, heʼise peteĩ yvyra pehẽngue añónte. Pe kurusu raʼanga ojeporúva ojegueru religión falsa ymaguarégui. Iñepyrũme cristianokuéra ndoiporúi ha nomeʼẽivaʼekue adoración kurusúpe. Upévare, iporãpa vaicha ndéve jaiporu peteĩ kurusu ñameʼẽ hag̃ua adoración Ñandejárape? (Deuteronomio 7:26; 1 Corintios 10:14.)

7. Ikatuvaʼerã hasy ndéve reheja koʼã creencia ha costumbre. Ikatu avei oĩ nde rogaygua térã nde rapicha oñehaʼãva ani hag̃ua reheja koʼã mbaʼe. Pero, iporãve ñambovyʼa Ñandejárape ñambovyʼa rangue ñande rapichápe. (Proverbios 29:25; Mateo 10:36, 37.)

[Nóta oĩva taʼanga ndive páhina 22]

Ñandejára ndahaʼéi peteĩ Trinidad

[Nóta oĩva taʼanga ndive páhina 23]

Navidad ha Pascua Florida ojegueru religión falsa ymaguarégui

Ndaipóri mbaʼérepa ñameʼẽvo adoración omanovaʼekuépe térã jakyhyje chuguikuéra