Mbaʼépa ojehu ñandéve ñamano rire?

Ñemanóme opa jeikove. Haʼeténte peteĩ oke hatãva (Juan 11:11-14). Omanovaʼekue ndaikatúi ohendu, ohecha, oñeʼẽ térã ojepyʼamongeta mbaʼevére (Eclesiastés 9:5, 10). Religión falsa heʼi umi omanovaʼekue ohoha espiritukuéra oĩháme oiko hag̃ua ijypykuéndi. Pero la Biblia nomboʼéi upéicha.

Umi tapicha omanovaʼekue ndaikatúi ñanepytyvõ térã ojapo mbaʼeve ivaíva ñanderehe. Pyʼỹi jahecha tapicha oñemboʼéva térã ojapóva sacrificio oimoʼãgui upéicha ombovyʼa umi omanovaʼekuépe. Upevére, ko costumbre naiporãi Ñandejárape haʼégui peteĩ japu oúva Satanásgui. Ndaikatúi avei ombovyʼa omanovaʼekuépe, noñandúigui haʼekuéra mbaʼeve. Naiporãi jakyhyje térã ñameʼẽ adoración omanovaʼekuépe. Ñandejárape añoite jaadoravaʼerã (Mateo 4:10).

Umi omanovaʼekue oikove jeýta. Jehová omombáyta umi omanovaʼekuépe oikove hag̃ua peteĩ paraísope ko Yvy ape ári (Juan 5:28, 29; Hechos 24:15). Ñandejára ikatu omombáy umi omanovaʼekuépe ikatuháicha avei ñande jajapo peteĩ okévare (Marcos 5:22, 23, 41, 42).

Pe idea nañamanoiha haʼe peteĩ japu, ha Satanás ogueroviauka upe mbaʼe heta tapichápe. Satanás ha idemoniokuéra ogueroviauka yvypórape umi omanovaʼekue espíritu oikoveha ha ogueruha mbaʼasy térã ambue problemakuéra. Sapyʼánte Satanás oporombotavy hag̃ua ohechauka kehápe taʼanga haʼetéva añetegua. Upévare, Jehová ocondena umi oñehaʼãvape oñeʼẽ omanovaʼekuéndi (Deuteronomio 18:10-12).