Asignasión nepytyvõtava reporomboʼe ha rejapokuaa hag̃ua diskúrso

OIMÉRAMO nde edáma, térã nemitã gueteri, ko prográma rupive ikatúta ndekatupyry reñeʼẽkuaa ha remboʼe hag̃ua hekoitépe la Biblia.

Pe ermáno omoakãva pe Eskuéla Jaiporukuaa Hag̃ua la Biblia omeʼẽta iñasignasión umi oñanotávape ko eskuélape. Umi tres páhina oúvape oĩ pe lísta oĩháme umi leksión otokátava ndéve rejapo. Káda leksión oreko henondépe la inúmero retopa hag̃ua. Káda pártepe oñemyesakã mbaʼéichapa ikatu reñembokatupyry rejapo hag̃ua diskúrso ha reporomboʼe hag̃ua, ha retopáta avei hetave suherénsia nepytyvõtava.

Umi número ykére oĩ mbohapy kolór, umíva ohechauka mbaʼeichagua asignasión javépa otoka upe leksión, koʼãva hína 1) releéta jave en púvliko, 2) demostrasión, peteĩ térã hetave ajudánte ndive, ha 3) diskúrso pe kongregasiónpe g̃uarã. Pe eskuéla omoakãva oiporavóta peteĩ leksión ha heʼíta ndéve rembaʼapo hag̃ua upévape. Ideprovechoitereíta ndéve rejapóramo umi taréa oĩva opakuévo káda leksión. Resegíramo hekoitépe umi konsého oĩva pe leksiónpe, pe eskuéla omoakãva omeʼẽta ndéve ótra leksión rembaʼapo hag̃ua.

Otokáramo ndéve rejapo peteĩ demostrasión, rehecha vaʼerã mbaʼe situasiónpepa opyta porãve. Upe omoakãva ikatu omoĩma voi ndéve mbaʼe situasiónpepa rejapóta térã oheja nde kárgope reiporavo. Páhina 82-pe retopáta peteĩ lísta, ha ikatu relehi umíva apytégui, péro upéva ndeʼiséi umi oĩva upépe añónte ikatuha rejapo.

Jepe ndotokái ndéve káda semána asignasión, releéramo ko lívro ne kuéntare ha rejapo umi taréa, pyaʼeve reñakãrapuʼãta. Ijáramo ndéve iporãta restudiáramo una leksión por semána.

Jepe heta tiémporema reime ko eskuélape térã reñepyrũ ramónte, oĩ katuete umi mbaʼe ikatúva rejapo porãve ko eskuélape voi térã repredika jave. Hiʼãite oréve reaprovecha porã ko Eskuéla Jaiporukuaa Hag̃ua la Biblia, péicha ikatúta ndekatupyryve.