Ehémplo porã: Ezequías

Ezequías orekópe 25 áño oiko chugui rréi Judápe, ha odesidi vaʼerã peteĩ mbaʼe iñimportánteva: oservítapa Jehovápe térãpa osegíta pe ehémplo vai itúa Acaz oheja vaʼekue chupe. Acaz haʼe vaʼekue peteĩ apóstata, haʼe omano meve oñemoĩ vaʼekue Ñandejárare ha noñarrepentíri umi mbaʼe vai ojapo vaʼekuégui. Por ehémplo, omokyreʼỹ umi héntepe oadora hag̃ua umi dios guaʼúpe ha itaʼýrape jepe osakrifika umi dióspe g̃uarã (2 Crónicas 28:1-4). Acaz ojapo heta mbaʼe ivaietereíva, péro Ezequías ndohejái upéva omomombyry chupe Jehovágui. Ezequías nopensái vaʼekue itúa ofalla haguére, haʼe avei naipohãveimaha. Upéva rangue, haʼe “oñakarama hatã vaʼekue Jehováre” (2 Reyes 18:6).

¿Oñembohory térã ndetrata vaípa nde sy térã nde túa reservi haguére Jehovápe? ¿Orekópa peteĩ vísio? Oiméramo upéicha, ani repensa nde resẽ vaitaha katuete ikulparekuéra. Ezequías túa ojapóramo jepe heta mbaʼe vai, haʼe ndohejái vaʼekue upéva oraha vai chupe. Chugui oiko vaʼekue peteĩ rréi ikatupyryetereíva, ha ogoverna porãiterei rupi la Biblia heʼi voi hese: “Ndaipóri vaʼekue haʼe mboyve ni upe rire ótro rréi haʼeichagua umi rréi de Judá apytépe” (2 Reyes 18:5). Esegíkena Ezequías ehémplo, ha nde avei katuete resẽ porãta. Esegíkena ‘eñakarama hatã Jehováre’.