Jehová oñangareko cherehe

1. Jehová che rekove Jára

che hína nde ovechami;

ha chendive nde reime rupi

ndaipóri pyʼamirĩ.

Chereraha ysyrýre

chepiroʼymi hag̃ua;

tape potĩre aha rupi

vyʼápe che aikove.

Tape potĩre aha rupi

vyʼápe che aikove.

2. Jepe pyharepytéma

che márõ ndakyhyjéi;

pyʼaguapýpente che aiko,

Jehová oĩ chendive.

Pe ne ñeʼẽ ahendúvo

vyʼágui cherenyhẽ;

opa mbaʼe ajapóvape,

nde réra ambotuicha.

Opa mbaʼe ajapóvape,

nde réra ambotuicha.

3. Jehová che rekove Jára

nde réra amombaʼe;

enterovépe amombeʼu,

mbaʼéichapa rohayhu.

Nde Léi tuichaite mbaʼéva

ko che pyʼapýpe oĩ;

pe ne ñeʼẽ ahendu vove

tory, ha vyʼápe aime.

Pe ne ñeʼẽ ahendu vove

tory, ha vyʼápe aime.