Haʼekuéra ohendu Satanáspe. ¿Mbaʼépa oiko upévare?

Adán ha Eva naiñeʼẽrendúi Ñandejárape, upévare omano hikuái. Génesis 3:6, 23

Eva ojapo pe mbói heʼíva ha hoʼu pe frúta. Upe rire omeʼẽ Adánpe ha haʼe hoʼu avei.

Ojapóvo upéicha, haʼekuéra naiñeʼẽrendúi Ñandejárape, upévare haʼe omosẽ chupekuéra pe paraísogui.

Upe rire haʼekuéra ha ifamília heta osufri, ituja ha omano. Péro omano rire ndohói yvágape ni infiérnope. Haʼekuéra ndoexistivéima.

Peteĩ persóna omano vove oiko jey chugui yvy. Génesis 3:19

Ñande ningo Adán ha Eva família, upévare ñamano avei. Umi omanóva ndaikatúi ohecha, ohendu ni ojapo mbaʼeve (Eclesiastés 9:5, 10).

Jehová ningo ndoipotái vaʼekue avave omano. Koʼẽrõite haʼe omoingove jeýta umi omanóvape, ha haʼekuéra iñeʼẽrendúramo chupe, oikovéta pára siémpre.