PÁRTE 5

Noé tiémpope, ¿mávapa ohendu Ñandejárape ha mávapa nahániri?

Noé tiémpope hetaiterei oĩ umi ojapóva ivaíva. Génesis 6:5

Umi ánhel aña oñembohete kuimbaʼéicha ha omenda umi kuñáre

Adán ha Eva heta ifamília ha péicha hetave hénte oĩ ko yvy ape ári. Upe rire heta ánhel omoirũ Satanáspe ha opuʼã Ñandejárare.

Haʼekuéra oguejy ko yvýpe ha oñembohete kuimbaʼéicha ikatu hag̃uáicha omenda umi kuñáre. Upéi umi kuña imemby ha umi ifamília tuichaiterei ha imbarete umi animál salváheicha.

Peteĩ kuña oreko ipópe imembyʼípe ha ótro mitãʼi oinupã pe kuñáme. Umi higánte, haʼéva umi ánhel aña família, iviolentoiterei ha oinupã umi héntepe

Ko yvy henyhẽ vaʼekue umi persóna ojapóvagui umi mbaʼe ivaíva. La Biblia heʼi: “Umi hénte iñaña ha ojapo hetaiterei mbaʼe vai ko yvy ape ári, ha tódo el tiémpo opensa hikuái ojapo hag̃ua ivaívante voi”.

Noé ohendu Ñandejárape ha ojapo peteĩ árka. Génesis 6:13, 14, 18, 19, 22

Noé katu ivuéno vaʼekue. Jehová heʼi chupe omboutaha peteĩ dilúvio ohundi hag̃ua umi iñañávape.

Ñandejára omanda Noépe ojapo hag̃ua peteĩ várko tuicháva, oñehenóiva árka, ha heʼi chupe omoinge hag̃ua pype ifamília ha opaichagua animál.

Noé oavisa umi héntepe outaha peteĩ dilúvio péro haʼekuéra opuka hese

Noé oavisa umi héntepe outaha pe dilúvio, péro haʼekuéra nohenduséi. Oĩ opukáva hese ha ótro katu ndaijaʼéi voi hese.

Noé ha ifamiliakuéra ombyaty umi animálpe omoinge hag̃ua pe árkape

Ojapopa rire pe árka, Noé omoinge pype umi animálpe.