¿Mbaʼéicha ikatu nepytyvõ Jesús sakrifísio?

Jesús omano ikatu hag̃uáicha ñande jaikove. Juan 3:16

Tres día Jesús omano rire, umi kuñanguéra ohóva ohecha Jesús sepultúra, otopa nandiha. Jehová omoingove jey Jesúspe.

Upéi Jesús ojaparese ijapostolkuérape.

Jesús orresusita rire oiko jey chugui peteĩ ánhel poderóso. Haʼe ningo peteĩ espíritu ha núnka nomanomoʼãvéima. Umi idisípulo ohecha chupe ojupi jeývo yvágape.

Ñandejára orresusita Jesúspe ha omoĩ chupe ogoverna hag̃ua Irréinope. Daniel 7:13, 14

Jesús omeʼẽ hekove ñandepeʼa hag̃ua pekádo ha ñemano poguýgui (Mateo 20:28). Upéicha rupi ñaneñeʼẽrendúrõ Ñandejárape haʼe omeʼẽta ñandéve vída etérna.

Jehová oelehi Jesúspe ogoverna hag̃ua ko yvy. Hendive oĩta 144.000 persóna iñeʼẽrendúva orresusitáva oiko hag̃ua yvágape. Jesús ha umi 144.000 ogovernáta Ñandejára Rréino yvága guive, ha upe goviérno ihústo hína (Apocalipsis 14:1-3).

Ñandejára Rréino ojapóta ko yvýgui peteĩ paraíso. Upépe ndaiporimoʼãvéima gérra, hénte iñañáva, imboriahúva ha iñembyahýiva. Umi hénte añetehápe ovyʼáta (Salmo 145:16).