PREGÚNTA 4
¿Mbaʼépa ajapo vaʼerã afalla jave?
¿MBAʼÉPA NDE REJAPÓNE?
Epensamína ko situasiónre: Tomás ohuga hína partído iñamigokuérandi ha upeichaháguinte hatãiterei ochuta ha omondo la ipelóta peteĩ áuto ahéno paravrísare ha ojokaite voi.
¿Mbaʼépa nde rejapóne reiméramo Tomás lugárpe?
EPENSAMÍNA KO MBAʼÉRE
MBAʼÉPA REJAPÓTA:
Ediparáta eho upégui.
Embojáta ótrore ojapo hague.
Emombeʼúta pe áuto járape la oiko vaʼekue ha eréta chupe repagataha chupe iparavrísare.
Ikatu ifasilve ndéve rejapo pe opsión A heʼiháicha. Péro siémpre ningo iporãvéta rerrekonoséramo refalla jave.
MBAʼÉREPA RERREKONOSE VAʼERÃ REFALLA JAVE
Upéva voi oñehaʼarõ ndehegui.
La Biblia heʼi: “Hiʼãiterei oréve roiko hekópe opa mbaʼépe” (Hebreos 13:18).
Rerrekonoséramo refalla jave, ifasilvéta umi ótrope neperdona hag̃ua.
La Biblia heʼi: “Pe persóna oñomíva hembiapo vai, nosẽporãmoʼãi. Péro oñeperdonáta upe omombeʼúvape ipekádo ha ohejaitévape hembiapo vai” (Proverbios 28:13, TNM).
Jehová ovyʼáta rerrekonoséramo refalla jave.
La Biblia heʼi: “Jehová ndaijaʼeiete umi oporombotavývare, péro umi ihústova iñamigoite hína” (Proverbios 3:32, TNM).
Karina, orekóva 20 áño, ndoipotái kuri itúa oikuaa oñemulta hague chupe hatãiterei omaneha haguére, péro amo ipahápe opilla chupe. Haʼe heʼi: “Ohasa rire un áñorupi, che túa ohecha oĩha peteĩ múlta che rérape ha tuicha cheprovléma hendive upevakuére”.
¿Mbaʼépa ñaaprende? Karina heʼi: “Remokañýramo la rejapo vaʼekue, katuete resẽ vaivéta. Tárde o tempráno rejechámante vaʼerã umi mbaʼe rejapo vaʼekuére”.
REAPRENDE VAʼERÃ NDE FÁLLAGUI
La Biblia heʼi: “Enterovéva ningo jajavy heta vése” (Santiago 3:2). Rerrekonoséramo refalla jave, rehechaukáta hína nerresponsávle ha neumildeha.
Reñehaʼã vaʼerã reaprende nde fállagui. Peteĩ mitãkuña hérava Vero heʼi: “Añehaʼãmbaite aaprende che fállagui ha ahecha mbaʼépepa ikatu amehora. Péicha ág̃a ótrope, aime jey vove peichagua situasiónpe aikuaátama mbaʼépa ajapo vaʼerã asẽ porã hag̃ua”. Mbaʼépa nde rejapóne reiméramo koʼã situasiónpe:
Nde túa oipuruka ndéve ivisikléta ha rembyai chugui. ¿Mbaʼépa rejapóta?
Ndaʼemoʼãinte chupe ambyai hague. Ikatu voi ndopillái hína.
Amombeʼu porãtante chupe la oiko vaʼekue.
Amombeʼúta chupe oñembyai hague, péro ambojáta ótrore.
Nderestudiái rupi rerrendi vai ha nderehasái. ¿Mbaʼépa rejapóta?
Haʼéta ijetuʼueterei hague pe exámen.
Arrekonoséta ndastudiái hague ha upévare ndahasaiha.
Haʼéta pe profesór ndochaʼeiha voi cherehe.
Reikóramo rembojere ne akãme umi mbaʼe rejapo vaʼekue, haʼetéta siémpre remañáva nde espéhope ha neremañái ne renonderãre.
Epensamína umi mokõi situasiónre ha eñemoĩ nde túa ha nde profesór lugárpe. ¿Mbaʼépa opensáta hikuái nderehe ndete voi rerrekonoséramo refalla hague? ¿Mbaʼépa opensáta hikuái remokañýramo la rejapo vaʼekue?
Epensamína peteĩ mbaʼe rejapo vai vaʼekuére ha erresponde koʼã pregúnta:
¿Mbaʼépepa refalla raʼe ha mbaʼépa rejapo upe rire?
Añehaʼã amokañy la ajapo vaʼekue.
Amboja ótrore ojapo hague.
Pyaʼe voi amombeʼu.
Oimérõ nererrekonoséi raʼe rejavy hague, ¿mbaʼéichapa reñeñandu upe rire?
Avyʼa ndajepillái haguére.
Añeñandu vai namombeʼúi haguére.
¿Mbaʼépa iporãve vaʼerãmoʼã rejapo upe situasiónpe?
¿Mbaʼépa reaprende upe oiko vaʼekuégui?
¿NDÉPA MBAʼE REPENSA?
¿Mbaʼérepa sapyʼánte hasy ñarrekonose hag̃ua jafalla hague?
¿Mbaʼépa ojeʼéta nderehe siémpre reñehaʼãramo remokañy nde fálla?
¿Péro mbaʼépa ojeʼéta nderehe rerrekonoséramo rejavy hague? (Lucas 16:10).