Tórre de Babel

Pe dilúvio rire Noé raʼykuéra heta ifamília, ha okakuaapa rire hikuái, káda uno oho oiko diferénte lugárpe Jehová omanda haguéicha chupekuéra.

Péro oĩ vaʼekue avei umi naiñeʼẽrendúiva Jehovápe ha heʼi: “¡Japytána koʼápe jajapo peteĩ siuda ha ñamopuʼã peteĩ tórre ijyvatéva, pe ipúnta tog̃uahẽ voi amo yvága peve. Péicha ñanefamósota!”.

Péro Jehovápe ndogustái upe ojapóva hikuái ha ojoko chupekuéra. ¿Eikuaápa mbaʼépa Jehová ojapo anive hag̃ua osegi omopuʼã hikuái pe tórre? Jehová okambiapaite chuguikuéra la iñidióma ha káda uno oñepyrũ oñeʼẽ ótro idiómape. Péicha rupi ndaikatuvéi ontende hikuái la heʼíva ojupe ha nomopuʼãvéi pe tórre. Upe guive umi hénte ombohéra upe siudápe Babel, upe téra heʼise “konfusión”. Upéi umi hénte upepegua ojeseparapa ojuehegui ha oho oiko diferénte lugárpe ko yvy ape ári, péro osegi ojapo hikuái umi mbaʼe ndogustáiva Jehovápe. ¿Ndépa ere oĩneha gueteri upe tiémpope ohayhúva Jehovápe? Jahecháta upéva pe kapítulo oúvape.