VIVLIOTÉKA OĨVA INTERNÉTPE Watchtower
Watchtower
VIVLIOTÉKA OĨVA INTERNÉTPE
guarani
ã
  • ã
  • ẽ
  • ĩ
  • õ
  • ũ
  • ỹ
  • g̃
  • ʼ
  • ñ
  • BIBLIA
  • PUVLIKASIONKUÉRA
  • RREUNIONKUÉRA
  • lfb lek. 14 páh. 40-páh. 41 párr. 1
  • José iñeʼẽrendu vaʼekue Ñandejárape

Ko párte ndorekói gueteri ni peteĩ vidéo.

Rombyasyeténgo, péro ndaikatúi ojehechauka ko vidéo.

  • José iñeʼẽrendu vaʼekue Ñandejárape
  • Eaprende umi istória oĩvagui la Bíbliape
  • Informasión oñeʼẽva avei ko témare
  • ‘¿Mbaʼéicha piko che ajapóta ko mbaʼe ivaietéva?’
    Ñemañaha. Oikuaauka Jehová Sãmbyhy 2014
  • José ermanokuéra ndaijaʼéi hese
    Che lívro omombeʼúva istória oĩva Ñandejára Ñeʼẽme
  • Jehová siémpre oĩta nde ykére ijetuʼu jave nendive
    Ñemañaha. Oanunsia Jehová Goviérno (ojestudiáva) 2023
  • José oho kárselpe
    Che lívro omombeʼúva istória oĩva Ñandejára Ñeʼẽme
Oĩve informasión
Eaprende umi istória oĩvagui la Bíbliape
lfb lek. 14 páh. 40-páh. 41 párr. 1
José odipara Potifar rembirekógui

LEKSIÓN 14

José iñeʼẽrendu vaʼekue Ñandejárape

José ningo onase vaʼekue Jacob ituja riréma, upévare Jacob ohayhuetereive chupe umi ótro itaʼýragui. ¿Mbaʼéichapa oñeñandu iñermanokuéra upe haguére? Haʼekuéra iñenvidióso ha ndochaʼeiete voi Josére. Sapyʼánte José osoñámi vaʼerã heta kósa iñextráñova chupe ha omombeʼu jepi umíva iñermanokuérape. Haʼekuéra opensa José ontendekaseha chupekuéra algún día oñesũtaha hikuái henondépe. Upévare koʼytevéntema ndochaʼéi hese hikuái.

José ermanokuéra opoi chupe peteĩ póso hypa vaʼekuépe

Peteĩ día José ermanokuéra oho ombopastea itúa ovechakuéra Siquem ypýpe. Jacob omondo Josépe hendapekuéra ohecha hag̃ua oĩ porãpa hína hikuái. Haʼekuéra mombyry guive ohecháma Josépe ha heʼi: “Napépe ou pe soñadór. Jajuka chupe”. Ha og̃uahẽvo hendapekuéra ojagarra chupe hikuái ha opoi chupe peteĩ póso hypa vaʼekuépe. Péro iñermáno Judá osẽ heʼi: “Anína pejuka chupe. Ñavendéntena chupe oiko hag̃ua chugui esklávo”. Ha ojapo hikuái upéva, 20 monéda de plátare ovende hikuái iñermánope umi komersiánte madianita ohóvape hína Egíptope.

Upéi iñermanokuéra ojagarra José ao, omonamba hese peteĩ kavara ruguykue ha orahaka itúape ha heʼika chupe: “¿Kóva piko ndahaʼéi nde raʼy mbaʼe?”. Ohechávo la itaʼýra aokue, Jacob opensa oiméne hague peteĩ animál salváhe ojuka raʼe chupe. Haʼe ombyasyeterei upéva ha ndaipóri okonsola vaʼerã chupe.

José oĩ hína kárselpe

Og̃uahẽ rire Egíptope, umi komersiánte ovende Josépe peteĩ ofisiál héravape Potifar oiko hag̃ua chugui ijesklávo. Péro Jehová arakaʼeve ndohejái Josépe. Potifar ohechakuaa vaʼekue José rehe iguapoitereiha ha ikatuha okonfia hese. Upévare, tiémpo riremínte omoĩmbaite ikárgope opa mbaʼe orekóva.

Potifar rembireko ohecha vaʼekue José iporã ha ifísiko porãha ha káda día omboliga chupe oñeno hag̃ua hendive. ¿Mbaʼépa ojapo José? Haʼe nopenái hese ha heʼi chupe: “No, upéva naiporãi. Che patrón okonfia cherehe, ha ndéngo hembireko. Añenóramo nendive apekáta Ñandejára renondépe”.

Peteĩ día Potifar rembireko ojagarra Josépe ijaógui ha oitira chupe ha heʼi: “¡Ejúna eñeno chendive!”, péro José ojetyvyro chugui ha odipara. Upéi, Potifar og̃uahẽ rire, hembireko ijapu chupe ha heʼi José oviolase hague chupe. Potifar ipochyeterei ha omondo Josépe kárselpe. Péro Jehová ndahesaráiri Joségui.

“Peneumíldekena ha peñemoĩ Ñandejára tuichaitéva ha ipoderosoitéva poguýpe, ikatu hag̃uáicha haʼe penembotuicha og̃uahẽ vove pe tiémpo” (1 Pedro 5:6).

Pregúnta: ¿Mbaʼéichapa otrata vaʼekue Josépe iñermanokuéra? ¿Mbaʼérepa Potifar omondo kárselpe Josépe?

Génesis 37:1-36; 39:1-23; Hechos 7:9.

    Guaranimegua puvlikasionkuéra (2000-2026)
    Emboty sesión
    Emoñepyrũ sesión
    • guarani
    • Ekomparti
    • Configuración
    • Copyright © 2025 Watch Tower Bible and Tract Society of Pennsylvania
    • Ojejeruréva reipuru hag̃ua
    • Política de privacidad
    • Privacidad
    • JW.ORG
    • Emoñepyrũ sesión
    Ekomparti