REIKUAAVE HAG̃UA 16B
Osuspira ha ipyahẽ, oñemarka, oñehundi. ¿Arakaʼe ha mbaʼéichapa?
Pe visión oĩva Ezequiel kapítulo 9-pe oreko avei peteĩ kumplimiénto ñane tiémpope. Ñantendéramo umi mbaʼe oikóva ko tiémpope ñanepytyvõta ñambohovái hag̃ua pyʼaguasúpe ko múndo ára paha.
“Osuspira ha ipyahẽ”
ARAKAʼE: Umi ára pahápe, oñepyrũ mboyve pe jehasa asy guasu.
MBAʼÉICHAPA: Umi hénte ipyʼaporãva ohechauka umi mbaʼe heʼíva ha ojapóva rupive ombojeguaruha chupe umi mbaʼe oikóva ko múndope. Haʼekuéra oasepta umi notísia porã ojepredikáva, oñepyrũ oiko kristiánoicha, oñemeʼẽ Jehovápe ha ojevautisa, ha siémpre oapoja Cristo ermanokuérape.
“Oñemarka”
ARAKAʼE: Oiko aja pe jehasa asy guasu.
MBAʼÉICHAPA: Pe kuimbaʼe orekóva pe tínta ryru orrepresenta Jesucrístope ou vove ohusga hag̃ua enterove umi nasiónpe. Umi oĩva pe aty guasúpe ojehusgáta térã oñemarkáta ovecháramo, ha upéva ohechaukáta haʼekuéra ojesalvataha Armagedónpe.
“Oñehundi”
ARAKAʼE: Armagedónpe.
MBAʼÉICHAPA: Jesucristo ha ijehérsito yvagapegua, oĩháme umi ánhel ha umi 144.000 ogovernátava hendive, ohundipaitéta ko múndo aña. Avei ogiáta umi oadorávape Jehovápe añoiténte oike hag̃ua peteĩ múndo pyahu ihústovape.