Eg̃uahẽ umi nerendúva korasõme

Proverbios 3:1

MBAʼÉPA HEʼISE: Eipytyvõ vaʼerã umi nerendúvape omombaʼe ha ojapo hag̃ua umi mbaʼe oaprendéva.

MBAʼÉICHAPA IKATU REJAPO

• Eipytyvõ umi nerendúvape oikuaa hag̃ua mbaʼépepa ikatu ombaʼapove. Upearã ikatu rejapo umi porandu opensa hag̃ua hikuái mbaʼépa oreko ikorasõme.

• Eipytyvõ umi nerendúvape ohechakuaa hag̃ua mbaʼérepa ojapo peteĩ mbaʼe. Reipytyvõ vaʼerã umi nerendúvape opensa hag̃ua mbaʼérepa ojapo umi mbaʼe iporãva. Remokyreʼỹ vaʼerã chupekuéra ojapo hag̃ua opa mbaʼe ohayhúgui Jehovápe, umi héntepe ha omombaʼégui la Biblia. Anínte rejapo nde párte remandarõguáicha chupekuéra, iporãvéta emopensáramo umi nerendúvape. Eñehaʼãmbaite ani hag̃ua umi nerendúva opyta otĩ, upéva rangue opyta vaʼerã hikuái ikyreʼỹ ojapose hag̃ua opa ikatúva Jehovápe g̃uarã.

• Emopensa chupekuéra Jehováre. Ehechauka umi konsého oúva Jehovágui ha imandamientokuéra ñanepytyvõha jaikuaa porãve hag̃ua chupe, ha jahechakuaa hag̃ua haʼe ñanderayhuha. Upéicha haʼekuéra ohayhúta Jehovápe, orekóta enkuénta mbaʼéichapa haʼe oñeñandu ha ombovyʼaséta chupe.