¿Mbaʼépa rejapo vaʼerã ideprovécho hag̃ua ndéve la Biblia?

¿Ndépa remoñepyrũsémava peteĩ projékto tuicháva, péro repensa ijetuʼuetereitaha retermina hag̃ua? Ikatu hag̃uáicha ifasilmieve ndéve, oiméne retantea rejapo michĩ mimi ha mbeguekatúpe. Upeichaite avei ikatu reñeñandu reñepyrũta vove relee la Biblia. Oiméne reikuaase moõguipa ikatu reñepyrũ. Ko leksiónpe jahecháta unas kuánta kósa isensíllova nepytyvõtava redisfruta hag̃ua releévo la Biblia.

1. ¿Mbaʼérepa jalee vaʼerã la Biblia káda día?

Peteĩ persóna oleéva káda día la Biblia, térã “Jehová léi”, katuete ovyʼáta ha osẽ porãta opa mbaʼépe (elee Salmo 1:1-3). Reñepyrũ hag̃ua, ikatu relee unos kuánto minútonte por día. Amáske reikuaa porãve rehóvo Ñandejára Ñeʼẽ redisfrutavéta releévo nde Biblia.

2. ¿Mbaʼépa nepytyvõta ideprovécho hag̃ua ndéve nde lektúra de la Biblia?

Upearã tekotevẽ epytaʼimi ha epensa umi mbaʼe releévare hína. La Biblia ñanemokyreʼỹ voi jalee ha ‘jajepyʼamongeta hag̃ua hese’ (Josué 1:8). Releepa rire, ikatu reñeporandu koʼã mbaʼe: “¿Mbaʼépa chemboʼe ko párte Ñandejára Jehovágui? ¿Mbaʼéichapa ikatu ajapo koʼápe heʼíva? ¿Mbaʼéichapa ikatu aipuru ko téxto aipytyvõ hag̃ua ótrope?”.

3. ¿Mbaʼépa rejapokuaa ikatu hag̃uáicha netiempove relee hag̃ua la Biblia?

¿Ijetuʼúpa ndéve reaparta ne tiémpo relee hag̃ua la Biblia? Oikose jepi voi upéva. Upévare Ñandejára Ñeʼẽ ñanemokyreʼỹ ‘jaipuru porã hag̃ua ñane tiémpo’ (Efesios 5:16). ¿Mbaʼéichapa ikatu rejapo upéva? Iporãta reapartáramo peteĩ óra espesífiko káda día relee hag̃ua nde Biblia. Oĩ algúno omboykéva itiémpo pyhareve voi porã. Ótro katu olee tardemieve, por ehémplo okaruha óra. Ha oĩ avei ojapóva upéva pyhare oke mboyvemi. ¿Mbaʼe órapa opyta porãvéta ndéve relee hag̃ua nde Biblia?

EJEPYʼAMONGETAMÍNA

4. Edisfruta eleévo nde Biblia

Ikatu oime ijetuʼu ndéve reñepyrũ hag̃ua relee la Biblia. Péro epensamína ko ehémplore: ndegusta hag̃ua peteĩ tembiʼu reprovámante vaʼerã, ha mbeguekatúpe ndegustátama. Upeichaite avei relee jave la Biblia. Elee 1 Pedro 2:2, ha upéi erresponde koʼã porandu:

• ¿Ndépa ere redisfrutavetaha nde lektúragui releéramo la Biblia káda día? ¿Mbaʼérepa repensa upéicha?

Ehecha pe VIDÉO ohechaukáva mbaʼéichapa unos kuánto mitãrusu odisfruta oleévo la Biblia. Upéi erresponde koʼã porandu:

VIDÉO: Mitãrusukuéra oaprendéva omombaʼe Ñandejára Ñeʼẽ (5:33)

• Según pe vidéo, ¿mbaʼépa ijetuʼu umi mitãrusukuérape?

• ¿Mbaʼépa oipytyvõ chupekuéra olee hag̃ua káda día la Biblia?

• ¿Mbaʼe mbaʼépa ojapo hikuái iñinteresanteve hag̃ua chupekuéra la ilektúra?

Konsého ikatúva nepytyvõ:

• Eheka peteĩ Biblia ojetradusi porãva ha ifásilva oñentende hag̃ua. Etanteamína elee pe Traducción del Nuevo Mundo oiméramo ojetradusíma ne idiómape.

• Eñepyrũ elee peteĩ lívro bíblico ndegustavéva. Upearã ikatu ehecha pe rrekuádro hérava: “Umi téma iñinteresánteva retopátava la Bíbliape”.

• Eanota moõ pevépa releéma rehóvo. Upearã ikatu eipuru pe rrekuádro hérava: “Elee nde Biblia káda día”.

• Eipuru pe aplikasión JW Library^®. Upépe ikatu relee térã rehendu la Biblia oimehápe.

• Eipuru umi informasión orekóva pe Traducción del Nuevo Mundo. Upépe retopáta mápa, rrekuádro ha peteĩ diksionário nepytyvõtava iñinteresanteve hag̃ua ndéve nde lektúra.

5. Ejeprepara pestudia mboyve káda leksión

Elee Salmo 119:34, ha upéi erresponde ko porandu:

• ¿Mbaʼérepa iñimportánte reñemboʼe relee mboyve nde Biblia térã rejeprepara mboyve nde estudiorã?

¿Mbaʼéichapa ikatu ideprovechove ndéve nde estúdio de la Biblia? Rejepreparáta jave nde estudiorã, etanteamína ejapo koʼã mbaʼe:

1. Elee umi párrafo oĩva oñepyrũvo káda leksión.

2. Eheka ha elee umi téxto, ha eñeporandu mbaʼéicha rupípa oĩ umíva pe informasiónpe.

3. Emarka umi palávra térã fráse orrespondéva káda porandu. Upéva nepytyvõta ifasilve hag̃ua ndéve ág̃a restudia vove pe leksión upe nemboʼévandi.

¿Reikuaápa raʼe?

Ore testígo de Jehová roipuru diferénte traduksión de la Biblia, péro prinsipálmente roipuru Ñandejára Ñeʼẽ La Biblia Traducción del Nuevo Mundo, pórke ko Biblia ojetradusi porã, ifásil ojelee ha oñentende hag̃ua ha oipuru meme Ñandejára réra. Ehecha pe artíkulo oĩva jw-pe: “¿Orekópa umi testígo de Jehová ibíblia tee?”.

RRESÚMEN

Ikatu hag̃uáicha ideprovécho ndéve nde lektúra de la Biblia, káda día emboyke peteĩ óra espesífiko elee hag̃ua, eñemboʼe entende hag̃ua mbaʼépa la releéva ha ejeprepara porã káda estudiorã.

Rrepáso

• ¿Mbaʼépa nepytyvõta ideprovechove hag̃ua ndéve nde lektúra de la Biblia?

• ¿Mbaʼe moméntopepa opyta porãve ndéve relee ha restudia hag̃ua la Biblia?

• ¿Mbaʼérepa iñimportánte rejeprepara porã káda estudiorã?

EINVESTIGA HAG̃UA

Ehecha mbaʼe mbaʼépa rejapo vaʼerã ideprovécho hag̃ua ndéve nde lektúra de la Biblia.

“Nde ikatu vyʼápe relee la Biblia” (Ñemañaha número 1 de 2017)

Ehecha mbohapy mbaʼe ikatúva ereko enkuénta releéta jave nde Biblia.

“¿Mbaʼéichapa ikatu chepytyvõ la Biblia? Párte 1: Eikuaa porãve nde Biblia” (Artíkulo oĩva jw-pe)

Ehecha mbaʼe mbaʼépa ikatu nepytyvõ redisfruta hag̃ua releévo la Biblia.

“¿Mbaʼéichapa ikatu chepytyvõ la Biblia? Párte 2: Edisfruta eleévo la Biblia” (Artíkulo oĩva jw-pe)

Ehecha mbaʼe konséhopa omeʼẽ umi ostudiáva la Biblia heta tiémporema.

Ejapo porã nde estúdio personál (2:06)