ÑAÑEPYRŨ HAG̃UA ÑAÑEMONGETA
LEKSIÓN 6
Ani ekyhyje epredika hag̃ua
Téxto bíblico: “Ñandejára orembopyʼaguasu romombeʼu hag̃ua peẽme umi notísia porã” (1 Tes. 2:2).
¿Mbaʼépa ojapo vaʼekue Jesús?
1. Ehecha pe VIDÉO, térã elee Lucas 19:1-7. Upe rire erresponde koʼã porandu:
¿Mbaʼérepa algúno omboyke vaʼekue Zaquéope?
Upéicharõ jepe, ¿mbaʼépa omomýi Jesúspe opredika hag̃ua chupe?
¿Mbaʼépa ñaaprende Jesúsgui?
2. Tekotevẽ ñandepyʼaguasu japredika hag̃ua opaichagua héntepe.
Jasegíkena Jesús ehémplo
3. Ejerovia Jehováre. Ñandejára espíritu sánto omombarete Jesúspe opredika hag̃ua, ha ñandéve ikatu avei ñanepytyvõ (Mat. 10:19, 20; Luc. 4:18). Oiméramo ekyhyje lénto epredika hag̃ua algúnope ejerure Jehovápe tanembopyʼaguasu (Hech. 4:29).
4. Aníkena emboyke avavépe. Sapyʼánte jakyhyje lénto japredika hag̃ua algúnope. Por ehémplo ikatu oĩ ipínta térã oiko lája ndahaʼéiva la iporãmbáva, algúno katu iplataiterei térã oreko puésto ijyvatéva ha oĩ umi orekómava voi irrelihión. Péro nemanduʼákena:
Jehová ha Jesús oikuaa mbaʼépa oĩ umi hénte korasõme, péro ñande ndajaikuaái.
Ñande ndaikatúi jaʼe Jehová noipytyvõmoʼãiha peteĩ persónape.
5. Ndajakyhyjéi péro ñañatende ha jaikokuaa (Mat. 10:16). Ani jajodiskuti umi héntendi. Japilláramo pe persóna nohenduseiha térã ikatuha ipeligróso pe situasión, jajerretiránte vaʼerã pyʼaguapýpe (Prov. 17:14).