JAJAPO RREVISÍTA
LEKSIÓN 9
Eñemoĩ pe persóna lugárpe
Téxto bíblico: “Pevyʼákena umi ovyʼáva ndive, ha penerasẽ umi hasẽva ndive” (Rom. 12:15).
¿Mbaʼépa ojapo vaʼekue Jesús?
1. Ehecha pe VIDÉO, térã elee Marcos 6:30-34. Upe rire erresponde koʼã porandu:
¿Mbaʼérepa Jesús ha idisipulokuéra ohose peteĩ lugárpe oĩ hag̃ua hikuái haʼeño?
¿Mbaʼépa omomýi Jesúspe omboʼe hag̃ua umi héntepe?
¿Mbaʼépa ñaaprende Jesúsgui?
2. Ñañemoĩramo ñande rapicha lugárpe ndahaʼéi japredikátanteva chupekuéra, síno avei ñaipytyvõta chupekuéra.
Jasegíkena Jesús ehémplo
3. Ehendukuaa vaʼerã. Jaheja vaʼerã umi héntepe tomombeʼu la opensáva ha ani ñañeʼẽjoko chupekuéra. Pe persóna omombeʼúramo ñandéve mbaʼéichapa oñeñandu, algún provléma térã peteĩ mbaʼe ndogustáiva chupe la ñamboʼévagui, ani ñambohasánte chugui ótro témape. Jajapysaka hese pyʼaguapýpe porãnte, péicha jahechaukáta iñimportanteha ñandéve g̃uarã mbaʼépa la opensáva.
4. Epensa pe persónare. Erekóvo enkuénta umi mbaʼe omombeʼu vaʼekue ndéve, eñeporandu:
“¿Mbaʼérepa haʼe oikotevẽ oikuaa Jehovápe?”.
“¿Mbaʼéichapa ostudiáramo la Biblia omehoráta oiko lája koʼág̃ama voi? ¿Ha mbaʼe iporãvapa ohupytykuaa amo gotyove?”.
5. Eheka informasión oipytyvõtava chupe. Ija vovéntema voi emombeʼu pe persónape mbaʼéichapa pe kúrso bíblico rupive ikatúta orresponde umi mbaʼe oikuaaséva, ha mbaʼéichapa umi konsého bíblico ideprovéchota chupe káda día.