LA BIBLIA OMBOHOVÁI KOʼÃ PORANDU

¿Mbaʼérepa oñehenói Jesúspe Ñandejára Raʼy?

Ñandejára ningo ndorekói hembireko ifamília hag̃ua. Péro Haʼe hína opa mbaʼe oikovéva Apohare. Ha ojapógui yvyporakuérape ijoguaháramo ikatu avei japorohayhu ha jahechauka hetave mbaʼe porã. Pe kuimbaʼe ojapo ypy vaʼekue héra Adán ha oñehenói chupe “Ñandejára raʼy”. Jesúspe avei oñehenói vaʼekue “Ñandejára Raʼy”, Itúva ojapógui chupe ijoguaháramo. (Elee Lucas 3:38; Juan 1:14, 49.)

¿Arakaʼépa ojejapo Jesúspe?

Jesúspe raẽvete Jehová ojapo vaʼekue ha tiémpo rire ae ojapo Adánpe. Upéi, Jesús rupive ojapo opa mbaʼe, umíva apytépe umi ánhel. Upévare la Bíbliape oñehenói Jesúspe “taʼýra ypykue ojejapo vaʼekue opaite mbaʼe mboyve”. (Elee Colosenses 1:15, 16.)

Jesús onase mboyve Belénpe, oiko vaʼekue yvágape peteĩ espírituicha. Upéi og̃uahẽvo pe tiémpo Ñandejára omoĩ vaʼekue, oguerova itaʼýra rekove María retepýpe onase hag̃ua yvypóraicha. (Elee Lucas 1:30-32; Juan 6:38 ha 8:23.)

¿Maʼerãpa Ñandejára ombou Jesúspe onase hag̃ua yvypóraicha ko yvy ape ári? ¿Mbaʼépa ojapo Jesús ko yvy ape ári? Rehecháramo mbaʼéichapa la Biblia ombohovái koʼã porandu, reikuaa porãvéta heta mbaʼe ha reagradeséta Ñandejára ha Jesús ojapóva ñanderehehápe.