LA BIBLIA OMBOHOVÁI KOʼÃ PORANDU
¿Mbaʼérepa ijetuʼuete oĩ hag̃ua pyʼaguapy ko yvy tuichakuére?
Oĩ hag̃ua pyʼaguapy ko yvy tuichakuére, oñekotevẽ peteĩ goviérno oipytyvõtava umi héntepe ohayhu hag̃ua hapichápe
La Biblia ohechauka mokõi mbaʼére ijetuʼuha ojehupyty hag̃ua upéva. Primero, yvyporakuéra ojapóramo jepe heta mbaʼe porã, Ñandejára ndojapói yvypórape oisãmbyhy hag̃ua hekove. Segundo, “ko múndo kompletoite oĩ pe aña poguýpe”. Upéicha rupi yvypóra ndaikatúi omoĩ pyʼaguapy ko yvy tuichakuére. (Elee Jeremías 10:23 ha 1 Juan 5:19.)
Heta oĩ avei itaryrýi ha opensáva ijehénte. Péro jaiko hag̃ua pyʼaguapýpe, ñaikotevẽ peteĩ goviérno oipytyvõva entéro yvypórape omombaʼe hag̃ua pe iporãva ha ojepyʼapy hag̃ua hapichakuérare. (Elee Isaías 32:17 ha 48:18, 22.)
¿Mávapa omoĩta pyʼaguapy ko yvy ape ári?
Ñandejára ipuʼakapáva oipeʼáta umi goviérno oĩva ha omoĩta peteĩ goviérno añónte, ha oisãmbyhýta ko yvy tuichakuére (Daniel 2:44). ¿Ha mávapa ogovernáta? Itaʼýra Jesucristo. Chupe ningo la Biblia ohenói ‘Mburuvicha pyʼaguapy reruha’. Haʼe ogoverna vove, oipeʼapaitéta umi mbaʼe vai ojejapóva ha oipytyvõta yvyporakuérape oiko hag̃ua pyʼaguapýpe. (Elee Isaías 9:6, 7 ha 11:4, 9.)
Koʼág̃arupi, hetaiterei tapicha oñemoĩva Jesucristo poguýpe, la Biblia rupive oipytyvõ hína heta héntepe oiko hag̃ua pyʼaguapýpe hapichakuérandi. ¡Koʼẽrõitéma ko yvy tuichakuére oĩta pyʼaguapy! (Elee Isaías 2:3, 4 ha 54:13.)