¿Mbaʼérepa Ñandejára oheja jasufri?

¿OMBYASÝPA ÑANDEJÁRA OHECHÁVO JASUFRIHA?

Miguela: Óla Sofía, ¡avyʼa rotopa jey haguére!

Sofía: Óla, che avyʼa avei rohechávo.

Miguela: Akokuehe ñañemongetárõ guare, jahecha kuri mbaʼéichapa Ñandejára oñeñandu ohechávo jasufriha.a Ha nde ere kuri chéve aretereíma reikuaase hague upéva, koʼýte nde sy oñaksidenta rire anga. Nde, ¿ha mbaʼeteko piko oĩ hína haʼe?

Sofía: Omehoraʼi ohóvo. Sapyʼánte ndahaʼéi la ikoʼẽ porãmbáva, péro oho hese. Koestedía por ehémplo oĩ porãiterei.

Miguela: ¡Avyʼaitéiko ahendúvo upéva! Legálmente péicha jave ijetuʼu jepi jasegi hag̃ua ñandepositívo.

Sofía: Si legálmente. Sapyʼánte apensa jepi arakaʼe pevépa péicha osufríta anga.

Miguela: Katuete ningo ndepyʼapy upéva. Oiméne nemanduʼa la ótra ves jaʼe hague jahechataha mbaʼérepa Ñandejára nosolusionáima entéro mbaʼe orekóramo la podér ojapo hag̃ua upéva.

Sofía: Si chemanduʼa.

Miguela: Jahecha mboyve mbaʼépa heʼi la Biblia upévare, ñanemanduʼami jeýna mbaʼépa ñaaprendéma kuri.

Sofía: Dále.

Miguela: Primerorã jahecha kuri peteĩ Ñandejára siérvo ifiélva oikuaase hague avei mbaʼérepa Ñandejára oheja la hénte osufri. Péro Ñandejára ndokastigái vaʼekue chupe upévare, ha ndeʼíri avei chupe ojeroviave vaʼerãha.

Sofía: Si, primera ves ahendu kuri upéva.

Miguela: Ñaaprende avei kuri Ñandejára ndoipotaietereiha jasufri. Por ehémplo, la Biblia heʼi ipuévlo yma guare ohasa asýrõ guare, haʼeteha voi “haʼe la osufríva”.b ¡Ajépa tuicha ñanekonsola jaikuaávo mbaʼéichapa oñeñandu Ñandejára jasufri jave!

Sofía: Si, ñanekonsola upéva legálmente.

Miguela: Ha ultimoite jahecha kuri Ñandejára orekoha la podér oipeʼa hag̃ua pe sufrimiénto haʼe ojapose vove upéva.

Sofía: ¡Ha upéva che la nantendéiva! ¿Mbaʼére Ñandejára oheja oiko koʼã mbaʼe vai orekóramo la podér osolusiona hag̃ua?

¿MÁVA HEʼÍVAPA IKATU JAROVIA?

Miguela: Ñakontesta hag̃ua upe pregúnta ikatu jahechami la heʼíva lívro de Génesis, pe primer lívro oĩva la Bíbliape. ¿Ndépa rehendúmava oñeñeʼẽvo Adán, Eva ha pe frúto proivídore?

Sofía: Si, katesismohápe la ahendu vaʼekue upéva. Ñandejára heʼi vaʼekue chupekuéra ani hag̃ua hoʼu peteĩ yvyramátagui, péro haʼekuéra lomímonte hoʼu.

Miguela: ¡Exáktamente! Péro jahechamína mbaʼépa oiko vaʼekue Adán ha Eva opeka mboyvemi, pórke upéva tuichaiterei ñanepytyvõta jaikuaa hag̃ua mbaʼérepa jasufri. ¿Ikatúpa eleemi ñandéve por favór Génesis kapítulo 3, versíkulo 1 guive versíkulo 5 peve?

Sofía: Vuéno. “Pe mbói haʼe vaʼekue pe imañerovéva opaite animál Ñandejára Jehová ojapo vaʼekue apytépe. Upéi pe mbói heʼi pe kuñáme: ‘¿Añetéiko Ñandejára heʼi peẽme ndovaleiha peʼu umi yvyramáta hiʼávagui oĩva guive ko hardínpe?’. Upémarõ pe kuña heʼi pe mbóipe: ‘Umi yva orekóva umi yvyramáta oĩva guive ko hardínpe ningo ore ikatu roʼu. Péro pe yvyramáta oĩvare hardín mbytépe, Ñandejára heʼíma oréve: “Aníke peʼu hiʼa, ha animoʼãke pepoko hese, cháke pejapóramo upéva, pemanóta” ’. Upépe pe mbói heʼi pe kuñáme: ‘Peẽ ningo ni mbaʼevéicharõ napemanomoʼãi. Ñandejára oikuaa porã peʼuha árape pe yva pejesapeʼataha, ha pejoguáta Ñandejárape ha peikuaáta mbaʼépa iporã ha mbaʼépa ivai’ ”.

Miguela: ¡Grásiamante! Ñaanalisa porãmína la heʼíva koʼã versíkulo. Primeroite voi jahechakuaa peteĩ mbói oñeʼẽ hague Évape. Ótra pártepe la Biblia oexplika Satanás oipuru hague upe mbói oñeʼẽ hag̃ua chupe.c Haʼe oñeʼẽ Évape pe yvyramáta Ñandejára oproivi vaʼekuére chuguikuéra. ¿Rehechakuaápa mbaʼépa heʼi vaʼekue Adán ha Évape oikotaha hesekuéra hoʼúramo pe yvyramátagui?

Sofía: Haʼekuéra omano vaʼerã kuri.

Miguela: Upeichaite. Péro upéi Satanás heʼíma álgo oheja vai hag̃ua Ñandejárape. Emañamína la heʼi vaʼekue: “Peẽ ningo ni mbaʼevéicharõ napemanomoʼãi”. Koʼápe Satanás heʼíma Ñandejárare ijapuha.

Sofía: ¡Eʼa nde! Che nahendúiva péva ántes.

Miguela: Ha Satanás heʼírõ guare Ñandejárare ijapuha, tekotevẽtamante kuri ohasa tiémpo ojehechauka hag̃ua ndasiertoiha upéva. ¿Epillápa mbaʼérepa?

Sofía: Ndapillái legálmente.

Miguela: Ñantende hag̃ua ikatu ñamoĩmi peteĩ ehémplo. Eñeimahinamína che haʼeha chembareteveha ndehegui, ¿mbaʼéichapa ikatu jaikuaa siértopa upéva?

Sofía: Chéverõ g̃uarã jajapómante vaʼerã peteĩ pruéva.

Miguela: ¡Ajépa! Por ehémplo ikatu jahecha álgo ipohýiva ha jahecha mavaitévapa ikatu ohupi. Jajapo rire upéva jaikuaátama mávapa imbareteve. Legálmente ndahasyiete japilla hag̃ua upéva.

Sofía: Hẽe, apilla la ereséva.

Miguela: Péro ñamoĩ chupe koʼág̃a haʼeha nde naneonrradaiha. Upéva ótra kosaitéma, ¿ajépa?

Sofía: Si, péva ja ideʼótroma.

Miguela: Pórke jaikuaa hag̃ua peteĩ persónapa iñonrrádo ndaikatúi jajapónte peteĩ pruéva ha ja ovaléma.

Sofía: Si, siérto.

Miguela: Añetehápe ohasámante vaʼerã tiémpo, pórke upéicha entéro ikatúta ohecha la rejapóva, ha oikuaáta neonrradaha.

Sofía: Legálmente isentído upéva.

Miguela: Ñapensami jeýna koʼág̃a la heʼívare Génesispe. ¿Heʼípa raʼe Satanás haʼe imbarete ha ipoderosoveha Ñandejáragui?

Sofía: No.

Miguela: Upéicharire ningo Ñandejára ikatúta kuri sapyʼaitépe ohechauka haʼe ipoderosoveha chugui. Upéva rangue, Satanás heʼi Ñandejárare naiñonrradoiha, pórke ndeʼipái chupekuéra la verda. Haʼete ku heʼíva Évape: “Ñandejára ningo ijapu peẽme, péro che cheonrrádo ha haʼe peẽme la verda”.

Sofía: Eʼa, che ndaikuaáiva upéva.

Miguela: Iñinteresánte, ¿ajépa? Péro Ñandejára iñarandueterei, ha oikuaa porã vaʼekue ohejámante vaʼerãha ohasa tiémpo ojepilla hag̃ua mávapa heʼi la verda ha mávapa ijapu.

OJEHEJA VAI ÑANDEJÁRAPE

Sofía: ¿Péro omano rire Eva piko ndojehechaukáima raʼe siérto hague la heʼíva Ñandejára?

Miguela: Si, upeichaite. Péro Satanás oheja vai avei Ñandejárape ótro hendáicha. Emañami jeýna versíkulo 5-re. ¿Mbaʼépa heʼive raʼe Satanás Évape?

Sofía: Heʼi chupekuéra hoʼúramo pe yva ojesapeʼataha.

Miguela: Upeichaite. Ha heʼi chupekuéra ojoguataha Ñandejárape ha oikuaataha “mbaʼépa iporã ha mbaʼépa ivai”. Upéicharõ, Satanás ontendeka kuri Ñandejára ndoipotaiha yvyporakuéra odisfruta álgo iporãvagui.

Sofía: Ahh.

Miguela: Ha upéva oheja vaieterei avei Ñandejárape.

Sofía: ¿Mbaʼére upéva?

Miguela: Satanás añetehápe heʼise kuri Eva, ha amo ipahápe entéro yvypóra, oiko porãvetaha Ñandejára nogovernáiramo chupekuéra. Jehová oikuaa kuri oñekomprova hag̃ua upéva ndasiertoiha, ohejámante vaʼerãha ohasa tiémpo. Ha upémarõ opermiti Satanáspe ogoverna ko múndo peteĩ tiémpore. Satanás ningo hína la ogovernáva ko múndo, ndahaʼéi Ñandejára. Upéicha rupi la opárupi oĩ hetaite sufrimiénto.d ¡Péro la Biblia omeʼẽ ñandéve esperánsa!

Sofía: ¿Mbaʼe esperánsa?

Miguela: La Biblia ñanemboʼe mokõi mbaʼe iñimportantetereíva Ñandejáragui. Primero, Jehová ojepyʼapyha ñanderehe jasufri jave. Jahechamína por ehémplo la heʼi vaʼekue rréi David Salmo 31:7-pe. Haʼe ningo heta osufri vaʼekue, péro emañamína mbaʼépa heʼi vaʼekue oñemboʼérõ guare Ñandejárape. ¿Ikatúpa eleemi ñandéve por favór?

Sofía: Vuéno. Koʼápe heʼi: “Ñandejára, nde rehecha mbaʼeichaitépa ahasa asy, ha mbaʼéichapa aiko añelamenta, péro nde cherayhueterei ha upéva chembovyʼaiterei”.

Miguela: ¡Grásiamante! Upéicharõ David osufríramo jepe, tuichaiterei okonsola vaʼekue chupe oikuaávo Jehová ohechaha entéro mbaʼe ohasáva. Sapyʼánte ningo ñapensa avave nontendeiha la ñañandúva jasufri jave. Péro, ¿ajépa ñanekonsolaite jaikuaávo Jehová si ohecha ha ontendeha umíva?

Sofía: Si legálmente.

Sofía: La Biblia ñanemboʼe avei Jehová ndohejamoʼãiha péicha jasufri pára siémpre. Koʼẽrõitéma haʼe ohundietéta Satanás goviérno, ha osolusionáta entéro mbaʼe ñanembohasa asýva. Umíva apytépe umi mbaʼe vai pehasáva hína nde ha nde sy. ¿Mbaʼépa ere chupe aju jeýramo ág̃a ótra semána ha jahecha mbaʼérepa ñaimekuaa segúro Ñandejára koʼẽrõitéma ojapotaha upéva?e

Sofía: Si, oĩ porã. ¡Grásiamante!