KO RREVÍSTAPE OÑEANALISA | ¿NDÉPA REIKUAASE MBAʼÉPA OMBOʼE LA BIBLIA?

Peteĩ kúrso vívliko enterovévape g̃uarã

Enterovénte ningo oikuaa umi testígo de Jehová opredikaha opárupi. Péro, ¿ndépa reikuaa haʼekuéra ombostudiaha avei la Biblia umi héntepe?

Peteĩ kuimbaʼe ostudiáva hína la Biblia itravahohápe

Áño 2014-pe, mas de 8 millón Testígo opredika 240 país ha territóriope, ha káda mes odirihi hikuái 9.500.000 estúdio vívlikorupi.a Upéva ningo hetaiterei, pórke oĩ voi 140 paísrupi ni ndohupytýiva upe kantida de avitánte.

Ikatu hag̃uáicha umi testígo de Jehová ojapo umi kúrso, oñeimprimi káda áño 1.500 millónrupi puvlikasión. Umíva apytépe Biblia, lívro, rrevísta ha folletokuéra. Ha koʼãva ojetradusíma haimete 700 idiómape. Upéicha rupi umi ostudiaséva la Biblia ikatu ojapo upéva iñidiomaitépe.

“Che ningo ndastudiaséimi vaʼekue, péro ko vuéltape igústo chéve la estúdio. Umi mbaʼe aaprendéva chepytyvõiterei.” (Katlego, Sudáfrica)

“Pe kúrso de la Biblia areko vaʼekue, okontesta chéve umi mbaʼe aikuaaséva guive, ha chepytyvõ antende hag̃ua hetave mbaʼe.” (Berta, México)

“Umi Testígo ou vaʼekue chembostudia che rogaitépe voi ha pe óra opyta porãvehápe chéve. ¡Ha upéichango la igústo!” (Eziquiel, Brasil)

“Rostudiámi vaʼerã 15 o 30 minúto, sapyʼánte katu hetave. Cherehéma odepende upéva.” (Viniana, Australia)

“¡Ni ndagueroviaséi ningo aikuaárõ guare ndapagái vaʼerãha mbaʼeve astudia hag̃ua!” (Aimé, Benín)

“Pe kuñakarai chembostudia vaʼekue ningo ivuenaiterei ha ipasiénsia cherehe. Oñoamigaite ore koʼág̃a.” (Karen, Irlanda del Norte)

“Heta persóna ningo ostudia la Biblia péro ndoikói chuguikuéra testígo de Jehová.” (Denton, Inglaterra)

UMI MBAʼE OJEIKUAASÉVA PE KÚRSO DE LA BÍBLIAGUI

¿Mbaʼéichapa ojejapo peteĩ estúdio vívliko?

Upearã ningo oñeanalisa la Biblia por téma. Por ehémplo, jaikuaa porãve hag̃ua Ñandejárape, oñekontesta koʼã porandu: ¿Mávapa Ñandejára? ¿Mbaʼeichagua persónapa haʼe? ¿Mbaʼéichapa héra? ¿Moõpa oĩ? ¿Ikatu piko jaiko iñamígoramo? Pe kúrsope oñemboʼe umi estudiántepe mbaʼéichapa ikatu otopa umi rrespuésta la Bíbliape.

Ojejapo hag̃ua pe kúrso, ojepuru jepi peteĩ lívro orekóva 224 páhina, hérava Mbaʼépa añetehápe omboʼe la Biblia?b Ko lívro ojejapo ikatu hag̃uáicha umi hénte oikuaa umi mbaʼe iñimportantevéva oĩva la Bíbliape. Por ehémplo, oĩ kapítulo oñeʼẽva Ñandejárare, Jesucrístore, pe rresurreksión rehe, mbaʼérepa jasufri, mbaʼéichapa ñañemboʼe vaʼerã ha hetave mbaʼe.

¿Arakaʼe ha moõpa ojejapo pe estúdio?

Ndete ikatu redesidi arakaʼe ha moõpa restudiase.

¿Mboýpa odura káda estúdio?

Heta persóna odesidi ostudia una óra térã hetave káda semána. Péro nderehéma odepende, ndaikatumoʼãirõ restudia upe tiémpo, lomímonte ikatu restudia 10 térã 15 minúto.

¿Ojepaga vaʼerã piko álgo?

No. Pe estúdio ningo grátis ha natekotevẽi avei repaga pe Bíbliare ni umi puvlikasión reipurútavare. Jesús voi heʼi vaʼekue idisipulokuérape: “Reínte oñemeʼẽ kuri peẽme, ha reínte pemeʼẽ vaʼerã avei” (Mateo 10:8).

¿Mboýpa odura pe kúrso?

Nde ningo ikatu redesidi arakaʼe pevépa restudiase. Pe lívro Mbaʼépa añetehápe omboʼe la Biblia? oreko 19 kapítulo. Ha nde ikatu reiporavo umi téma ndegustavéva ha reanalisa umíva trankílo porãnte, reaprende porã peve.

¿Oikómante vaʼerãpa ndehegui testígo de Jehová?

No. Ore ningo rorrespeta pe derécho orekóva káda uno odesidívo mbaʼépa ogueroviáta. Péro restudiáramo la Biblia, upéva katuete nepytyvõta redesidi porã hag̃ua.

¿Moõpa ikatu retopave informasión?

Pe sítio de Internétpe, jw.org, rejuhúta heta informasión ohechauka porãva umi mbaʼe ojapóva ha ogueroviáva umi testígo de Jehová.

¿Mbaʼéichapa ikatu rejerure peteĩ estúdio?

Persóna ojeruréva hína peteĩ estúdio vívliko: 1) Internét rupive, 2) korréo rupive ha 3) ohekávo peteĩ gía telefónikape

Remyenyhẽkuaa pe formulário oĩva ko direksión de Internétpe: www.jw.org/gug.
Ikatu reskrivi peteĩ direksión oĩva ko rrevístape, páhina 2-pe.
Ikatu rejerure peteĩ testígo de Jehová oikóvape nde reikoha gotyo.

a Umi kúrso de la Biblia ojejapo jepi peteĩ persónape térã peteĩ grúpo michĩvape.

b Ojapóva testígo de Jehová. Ko lívro oñeimprimíma mas de 230 millón ha mas de 260 idiómape.

MBAʼÉICHAPA LA BIBLIA OIPYTYVÕ UMI FAMÍLIAPE

“Che rembireko oñepyrũrõ guare ostudia la Biblia, ahecha tuichaiterei okambia hague. Opa mbaʼénte oho porãve ore rogapýpe. Upéva chembokurióso ha añepyrũ astudia avei. Umi mbaʼe aaprendéva chepytyvõ amehora hag̃ua ha ógape entéronte rojogueraha porãve.” (Eziquiel)

“Yma ningo che ajedroga, akaʼu ha chearheleterei vaʼekue, péro astudia rire la Biblia ahejaite umi mbaʼe. Koʼág̃a che róga ipotĩve ha noĩvéima sarambikuépe. Avei ahayhuve che famíliape ha ajapo umi mbaʼe ombovyʼátava chupekuéra. Koʼág̃a ikatu haʼe avyʼaitereiha.” (Karen)

“Hetápe ningo ndogustái vaʼekue astudia la Biblia. Péro che ména heʼi chéve: ‘Epenaʼỹnte nde umi mbaʼe ojeʼévare. Heta mbaʼépema nepytyvõ la Biblia, ha upéva la iñimportánteva. Esegi katu estudia’. Legálmente núnka ndorovyʼáiva peichaite peve ore rogapýpe.” (Viniana)