¿Mbaʼéichapa oñeñandu Ñandejára ohechávo esufriha?

Heta hénte opensa Ñandejárape nointeresaiha umi mbaʼe jahasáva ha ndojepyʼapyiha voi ñanderehe.

JAHECHAMÍNA MBAʼÉPA HEʼI LA BIBLIA

Ñandejára oñeinteresa ha ojepyʼapy ñanderehe

“Jehová ohechakuaa mbaʼeichaite pevépa umi hénte iñaña ha ojapo hetaiterei mbaʼe vai ko yvy ape ári, [...] ha omokorasõ rasy chupe” (Génesis 6:5, 6).
Ñandejára oipeʼapáta pe sufrimiénto

“Koʼẽrõitéma opáta umi hénte iñañáva, remañáta oĩ haguépe hikuái, ha ni hendague ndopytamoʼãi. Péro umi hénte ivuénova opytáta ko yvy ape ári, haʼekuéra ovyʼaitereíta pórke oikóta pyʼaguapýpe ha noñekevrantamoʼãi mbaʼevete asýre” (Salmo 37:10, 11).
Mbaʼépa Ñandejára oipota ndéve g̃uarã

“‘Che aikuaa porã mbaʼépa akalkula ajapóvo penderehehápe, ameʼẽta peẽme pyʼaguapy ha ndaguerumoʼãi pende ári mbaʼe vai, péicha perekóta esperánsa ha peneraʼarõta heta mbaʼe porã. Ha peẽ pecherenóita, pejúta ha peñemboʼéta chéve, ha che pohendúta’” (Jeremías 29:11, 12).

“Peñemoag̃uíkena Ñandejárare, ha haʼe oñemoag̃uíta penderehe” (Santiago 4:8).

Reikuaasevéramo mbaʼérepa Ñandejára oheja oiko hetaite mbaʼe vai, ehecha leksión 26 pe lívro héravape ¡Jaikóta vyʼápe pára siémpre!, ojapóva testígo de Jehová, ikatúva avei retopa ko direksiónpe www.jw.org/gug.