¿Mbaʼe rregálopa ikatu ñameʼẽ Jehovápe?

JESÚS heʼi vaʼekue: “Javyʼaiteve ñameʼẽvo, ñandéve oñemeʼẽ rangue” (Hech. 20:35). Upéva ningo siertoite ha péicha jajapo vaʼerã avei ñameʼẽvo Jehovápe. ¿Mbaʼérepa jaʼe upéva? Ñande jarresivi heta rregálo Jehovágui ha umíva ñanembovyʼa. Péro koʼýte javyʼáta ñameʼẽramo chupe peteĩ rregálo. ¿Mbaʼe rregálopa ikatu ñameʼẽ Jehovápe? Proverbios 3:9 heʼi: “Emombaʼeguasu Jehovápe ha emeʼẽ chupe umi mbaʼe iporãvéva erekóva”. “Umi mbaʼe iporãvéva” jarekóva haʼe hína ñane tiémpo, ñande kapasida, ñane mbaretekue ha umi mbaʼerepy. Jaipurúramo koʼã mbaʼe jaapoja hag̃ua pe adorasión añeteguáva ñameʼẽ hína peteĩ rregálo Jehovápe, ha upéva ñanembovyʼaitereíta.

¿Mbaʼépa ñanepytyvõta ani hag̃ua ñanderesarái ñameʼẽ hag̃ua umi mbaʼerepy jarekóvagui Jehovápe? Apóstol Pablo heʼi vaʼekue umi ermáno Corintoguápe omboyke vaʼerãha la ikatúva omeʼẽ kómo kontrivusión (1 Cor. 16:2). ¿Mbaʼe método de kontrivusiónpa ikatu reipuru pe lugár reimehápe? Reikuaa hag̃ua upéva ikatu rehecha pe rrekuádro oĩva iguýpe.

Pe donasión por Internet ndaikatúi ojejapo entéro tetãme, péro oĩ informasión ñande sítio jw.org-pe omombeʼúva mbaʼéichapa ikatu oñekontrivui de diferénte fórma. Unos kuánto tetãme oñemoĩ pe sítiope peteĩ dokuménto orrespondéva umi pregúnta pyʼỹinte ojejapóva kontrivusiónre.