Mbaʼépa añetehápe Ñandejára Rréino
Jesús heʼi vaʼekue idisipulokuérape oñemboʼe hag̃ua péicha: “Ore Ru reiméva yvágape, toñembotuicha nde réra. Tou ne Rréino, tojejapo ne volunta ko yvy ape ári ojejapoháicha yvágape” (Mateo 6:9, 10). ¿Mbaʼépa Ñandejára Rréino? ¿Mbaʼépa ojapo hína? ¿Mbaʼérepa jajerure vaʼerã ou hag̃ua pe Rréino?
Jesús haʼe pe rréi Ñandejára Rreinopegua
Lucas 1:31-33: “Ha rembohéra vaʼerã chupe Jesús. Haʼe iñimportantetereíta ha oñehenóita Ñandejára Ndaijojaháiva Raʼy. Ha Jehová omoĩta chupe Rréiramo itúa David haʼe haguéicha avei. Haʼe ogovernáta Jacob familiare rehe opa ára g̃uarã, ha Irréino núnka ndopamoʼãi”.
Jesús oñeʼẽ meme vaʼekue pe Rréinore opredikárõ guare
Mateo 9:35: “Jesús okorre umi siuda ha puévlore, omboʼe umi sinagogahárupi ha omombeʼu umi notísia porã oñeʼẽva Ñandejára Rréinore. Avei omonguera opaichagua mbaʼasy”.
Jesús heʼi idisipulokuérape mbaʼéichapa opilláta pe Rréino og̃uahẽ potaitemaha
Mateo 24:7: “Peteĩ país opuʼãta ótro país rehe, ha umi goviérno opuʼãta ojuehe. Avei oĩta ñembyahýi, ha yvyryrýi ápe ha pépe”.
Jesús segidorkuéra oñeʼẽ pe Rréinore ko yvy tuichakuére
Mateo 24:14: “Umi notísia porã oñeʼẽva Ñandejára Rréinore oñemombeʼúta oparupiete ko yvy ape ári, upe mensáhe ojekuaa hag̃ua entéro tetãrupi, ha upéi og̃uahẽta pe fin”.