Peteĩ vídeo oguerekóva peteĩ mensáhe iporãva opa árape
Mbaʼe mensáhepa oguereko pe vídeo hérava David... Confió en Dios? Jajeroviavaʼerãha Jehováre, David ojeroviahaguéicha (Sal. 91:2). Ohecha rire umi mbaʼe iñimportantevéva oikovaʼekue David rekovépe, mitã ha kakuaa oaprendéta David ehémplogui (Sal. 31:14). Ñañevenefisiave hag̃ua chugui, ko DVD oguereko peteĩ párte hérava “Preguntas” ha oguereko avei “Actividades” ñaaprendeve hag̃ua.
Ehecha pe vídeo ha upéi eñehaʼã nemanduʼa koʼã mbaʼére: 1 Mbaʼérepa Jehová oiporavo peteĩ rréi pyahurã? (1Sam. 15:10,11; 16:1.) 2 Mbaʼérepa David ermanokuéragui ndoiporavói ni peteĩ? (1Sam. 16:6, 7.) 3 Mbaʼérepa Saúl oipota David ombopu pe árpa? (1Sam. 16:14- 23.) 4 Mávapa Goliat? (1Sam. 17:4-10.) 5 Mbaʼérepa David oñorairõse Goliat ndive? (1Sam. 17:23, 24, 36, 37.) 6 Mávapa Jonatán? (1Sam. 14:1.) 7 Mbaʼe ojehu rirépa oiko Saúlgui David enemígo tuichavéva? (1Sam. 18:25- 29.) 8 Mbaʼérepa David ndojukái Saúlpe? (1Sam. 26:7- 11.) 9 Mbaʼéichapa omano Saúl? (1Sam. 31:1-6.) 10 Mbaʼépa ojapo David ohendúvo omanohague Saúl ha Jonatán? (2Sam. 1:11, 12.) 11 Mbaʼépa Jehová opromete Davídpe? (2Sam. 7:12, 13, 16.) 12 Mbaʼéichapa tuicha ojavy David? (2Sam. 11:1-5, 14-17.) 13 Mbaʼéichapa ohechauka David ombyasyetereihague ojapohaguére pe mbaʼe vai? (Sal. 51.) 14 Mbaʼépa omboʼe David Salomónpe? (1Rey. 2:1-4; 1Cró. 22:6-13; 28:9,10.) 15 Mbaʼe venefísiopa ohupytýta David ha Jonatán Jesús goviérnogui, ikatúva nde avei rehupyty? (Isa. 11:6-9; Juan 11:25, 26.)
Epensamína sapyʼaite: Mbaʼéichapa nde ikatu rejerovia Jehováre David ojapohaguéicha?
Peẽ tuvakuéra, pemboʼékena pende raʼykuérape ohecha hag̃ua hikuái mbaʼeichaitépa iñimportánte jajerovia Jehováre opa árape, David ojeroviahaguéicha (Sal. 56:11).