Mbaʼéichapa ikatu ñapresenta ñande rrevistakuéra

La Atalaya 15 de abril

“Koʼág̃a rupi oĩ hetaiterei informasión opaichagua, ajépa? [Ehaʼarõ tokontesta.] Upéicharõ jepe, ndaipóri informasión iñimportantevéva ko téysto vívlikope oñemombeʼúvagui [Elee Juan 17:3]. Ko rrevísta omombeʼu ñandéve mbaʼépa heʼise pe ‘jeikove opaʼỹva’, ha mbaʼéichapa ikatu jaguereko pe konosimiénto ikatútava omeʼẽ ñandéve upéva.”

¡Despertad! 22 de abril

“Oiméne Jesucristo haʼe pe kuimbaʼe ojekuaa porãvéva ko Yvy ape ári. Upéicharõ jepe, oĩ heta oñeporandúva mávapa rakaʼe haʼe añetehápe. Ndépa reikuaa Jesús apostolkuéra jepe oikuaasehague upéva avei? [Eheja tokontesta. Upéi elee Marcos 4:41.] Ko rrevísta omombeʼu ñandéve mbaʼépa heʼi la Biblia Jesucrístore, ha ohechauka mávapa haʼe añetehápe.”

La Atalaya 1 de mayo

“Peteĩ jahayhúva omanóramo, hiʼã ñandéve jahecha jey chupe. Nahiʼãipa ndéve upéicha? [Eheja tokontesta.] Hetápema ombopyʼarory pe promésa oĩva Ñandejára Ñeʼẽme, umi omanovaʼekue oikove jeytaha [Elee Juan 5:28, 29]. Ko rrevísta omombeʼu arakaʼépa oikóta upéva, ha mávapa oikove jeýta.”

¡Despertad! 8 de mayo

“Heta tuvakuéra oiporavo mbaʼépa ohecháta taʼyrakuéra pe televisiónpe. Ajépa hasy jatopa hag̃ua umi pelíkula iporãva ohecha hag̃ua ñane família? [Eheja tokontesta. Upéi elee Efesios 4:17.] Ko rrevísta ohechauka mbaʼéichapa tuvakuéra ikatu oipytyvõ taʼyrakuérape oiporavo hag̃ua umi vyʼarã iporãtava chupekuéra g̃uarã.”