Mbaʼéichapa ikatu ñaikuaveʼẽ ñande rrevistakuéra

La Atalaya 15 de septiembre

“Opárupi ko Yvy ape ári ojekuaa Jesucrístope. Oĩ heta heʼíva haʼe iñimportantehague, péro upéva pevénte. Oĩ katu oadoráva chupe, heʼíva haʼeha Ñandejára Ipuʼakapáva. Ndépa mbaʼe ere? [Ehaʼarõ tokontesta.] Ko rrevísta omombeʼu mávapa Jesús, moõguipa ouvaʼekue, ha moõpa oĩ koʼág̃a.” Elee Juan 17:3.

¡Despertad! 22 de septiembre

“Heta tapicha oĩ ndaikatúiva oguereko peteĩ óga porãmi oiko hag̃ua. Ndépa reimoʼã og̃uahẽtaha pe tiémpo opavave tapichakuéra oguereko hag̃ua peteĩ óga oiko porãmi hag̃ua? [Ehaʼarõ tokontesta.] ¡Despertad! ogueru peteĩ infórme ipyahuetéva ohechaukáva tuichaha koʼág̃a upe provléma. Ohechauka avei mbaʼérepa ikatu jajerovia oñekumplitaha ko promésa omeʼẽvaʼekue Ñandejára.” Elee Isaías 65:21, 22.

La Atalaya 1 de octubre

Elee pe porandu osẽva pe rrevísta apére. Upéi eporandu: “Ndépa reikuaa mbaʼe señál rehépa oñeʼẽhína koʼápe? [Ehaʼarõ tokontesta. Upéi elee Mateo 24:3.] Ko rrevísta La Atalaya ohesaʼỹijo cinco mbaʼe iñimportánteva upe señál rehegua ha ohechauka mbaʼérepa tekotevẽ jahechakuaa umíva.” Ehechauka pe rrekuádro oĩva páhina 6-pe.

¡Despertad! 8 de octubre

“Pe vevída alkoólika ojeporu vaíramo hetaiterei provléma ogueru. Ko rrevísta ohechauka mbaʼépa ojapo ñande retére pe vevída. [Ehechauka pe taʼanga oĩva páhina 7-pe.] Koʼã artíkulo ohechauka mbaʼéichapa peteĩ oiporu vaíva pe vevída alkoólika ikatu oheja, ha mbaʼéichapa ikatu oñepytyvõ pe tapichápe.”