Peteĩ vidéo ikatúva ñanemopensa
“Ko vidéo añetehápe ñanemopensa.”
“Che korasõitére opoko!”
“Chemopirĩmbaite ahechávo!”
1 Rehecha ypýrõ guare pe vidéo Los jóvenes preguntan... ¿Cómo conseguir amigos verdaderos?, reñeñandúpa nde upéicha avei? Ndaʼareguasúi peteĩ mitãrusu iprovléma oikóvo. Iñamigokuéra ombyai chupe. Ndoikuaasevéi mbaʼeve Ñandejára Ñeʼẽgui, ha amo ipahápe oheja Jehovápe. Upe javete osẽ pe vidéo Amigos verdaderos. Upe mitãrusu heʼieʼi haʼe: “Ahecha jey jey, ha che resay osyry pe che rováre. Aagradese Jehovápe chepytyvõhaguére pe aikotevẽve jave”. Pe vidéo oipytyvõ chupe okambia hag̃ua ha oheka hag̃ua iñamigorã umi tapicha ojapo porãtava hese. Haʼe heʼi avei: “Ahecha peikuaa porãha mbaʼépa ohasa oikóvo heta mitãrusu ha mitãkuña”. Peẽ túva, sy, ha mitãrusukuéra, mbaʼérepa ndapehechái jey ko vidéo peguapy jey vove pestudia hag̃ua pende rógape? Opakuévo káda párte pemombyta pe vidéo ha peñemongeta oñondivepa petĩʼỹre térã pekyhyjeʼỹre peñeʼẽ hag̃ua. Ikatu peiporu koʼã porandu.
2 Oñepyrũvo. Mbaʼeichaguápa peteĩ amígo añete? (Pro. 18:24.)
3 Umi provléma jaguerekóva jajuhu hag̃ua amígo añete. Mbaʼépa ikatu rejapo ani hag̃ua reñeñandu neaño? (Fili. 2:4.) Mbaʼérepa iporã reñehaʼã nderekoporãve hag̃ua, ha mávapa ikatu nepytyvõ? Mbaʼépa nepytyvõta ne amígo hetave hag̃ua, ha moõpa ikatu retopa ne amigorã (2 Cor. 6:13.)
4 Ikatu oiko ndehegui Ñandejára amígo. Mbaʼéichapa ikatu reñembojave Jehováre, ha mbaʼérepa iporã reñehaʼã? (Sal. 34:8.) Mávapa ikatúta nepytyvõ porãve reservi hag̃ua Ñandejárape?
5 Mbaʼeichagua amígopa naiporãi. Mbaʼeichagua amígopa ikatu nembyai? (1 Cor. 15:33.) Mbaʼéichapa ikatu ndepeʼa Ñandejára servísiogui umi ndahaʼéiva amígo porã? Mbaʼépa ikatu reaprende Dínape ojehuvaʼekuégui? (Gén. 34:1, 2, 7, 19.)
6 Peteĩ dráma koʼag̃agua. Mbaʼéichapa oñembyai Tara oñeñandúvo haʼeño? Mbaʼépa heʼi ndohejaséigui iñamigokuéra ndahaʼéiva Testígo? Mbaʼeichagua pelígropepa omoĩ chupe iñamigokuéra? Mbaʼérepa ituvakuéra ndohechái Tara oĩ vaiha, ha mbaʼéichapa oipytyvõ chupe hikuái oĩ porã jey hag̃ua Ñandejára ndive? Mbaʼéichapa peteĩ prekursóra ohechauka amíga porãha Tárape g̃uarã? Mbaʼérepa peteĩ kristiáno ohenduvaʼerã pe heʼíva Proverbios 13:20 ha Jeremías 17:9? Mbaʼépa oaprende Tara?
7 Opa hag̃ua. Mbaʼe mbaʼépa reaprende ko vidéogui? Mbaʼéichapa ikatu reiporu umi mbaʼe reipytyvõ hag̃ua nde rapichakuérape? (Sal. 71:17.)