Ñamoheñói memékena ñande rekovépe umi mbaʼe porã omeʼẽva Ñandejára ha ñamosarambi pe marandu porã
1 Peteĩ árape, Jesús heʼivaʼekue ijehe haʼeha “pe Parrál máta añetetéva”, Itúva katu pe oñangarekóva hese, ha umi hemimboʼe ohótava yvágape pe parrál rakã hiʼáva. Omombeʼúvo mbaʼépa ojapo pe oñangarekóva hese, Jesús heʼi jey tekotevẽha oñei hatã pe parrál mátare (Juan 15:1-4, JMP). Upéicha jaikuaa enterove oĩ porãva Jehová renondépe ojoguavaʼerãha “pe Parrál” rakã hiʼávape. Ñamoheñói meme vaʼerã ñande rekovépe umi mbaʼe porã omeʼẽva Ñandejára ha ñamosarambi pe marandu porã (Gál. 5:22, 23; Mat. 24:14; 28:19,20).
2 Umi mbaʼe porã omeʼẽva Ñandejára. Ikatu jaikuaa ñañemoag̃uivépa jaikóvo Ñandejárare jahechaukávo ñamoheñoiha ñande rekovépe umi mbaʼe porã Haʼe omeʼẽva. Upearã ñahesaʼỹijo meme vaʼerã Ñandejára Ñeʼẽ ha jajepyʼamongeta hese. Ñañehaʼãpañáina jajapo upéicha? (Fili. 1:9-11.) Aníkena ñahaʼarõ jajerure hag̃ua Jehovápe ijespíritu. Upévako ñanepytyvõta ñamoheñói hag̃ua umi mbaʼe porã omombaʼeguasútava Chupe ha ñanemoag̃uivétava Hese (Luc. 11:13; Juan 13:35).
3 Umi mbaʼe porã omeʼẽva Ñandejára ñanepytyvõ avei japredika kyreʼỹve hag̃ua. Umíva apytépe, pe mborayhu ha jerovia ñanemomýita ñamboyke hag̃ua ñane tiémpo ikatu hag̃uáicha pyʼỹi ñasẽ japredika. Pyʼaguapy, pasiénsia, pyʼaporã, mbaʼeporã ha jejokokuaa ñanepytyvõta jaikuaa hag̃ua mbaʼépa jajapovaʼerã oĩramo oñemoĩva ñanderehe. Ha vyʼa katu ñanepytyvõta japredika hag̃ua torýpe oĩramo jepe nañanerenduséiva.
4 Ñamosarambi pe marandu porã. Ñande ñamosarambivaʼerã pe marandu porã, upéva jajapo ñamombaʼeguasu, térã jaikuaaukávo Jehová réra (Heb. 13:15). Ñamosarambi pe marandu porã ñañeʼẽ memévo kyreʼỹme Ñandejára goviérnore. Ñañehaʼãpañaína ñasẽve japredika ha upéicha ñamosarambive pe marandu porã?
5 Jesús heʼivaʼekue hemimboʼekuéra nomosarambimoʼãiha peteĩcha pe marandu porã (Mat. 13:23). Upéicharõ, nañañembojojaivaʼerã avavére, upéva rangue jajapovaʼerã opa mbaʼe ñande pyʼaite guive Jehovápe g̃uarã (Gál. 6:4). Ha jaiporúramo Ñandejára Ñeʼẽ jahecha hag̃ua mbaʼéichapa ñaimeñaína, ñanepytyvõta jasegi hag̃ua ñamombaʼeguasu Jehovápe. Upéicha avei ñamoheñóita ñande rekovépe umi mbaʼe porã Haʼe omeʼẽva ha ñamosarambíta pe marandu porã (Juan 15: 8).