Mbaʼéichapa ñaikuaveʼẽta ñande rrevísta

Ñemañaha Julio

“Rehechakuaápa koʼág̃a rupi heta ñande rapicha ijehegui reínte heʼiha mbaʼépa oĩ porã ha mbaʼépa oĩ vai? [Eheja tokontesta.] Koʼápe ojehechauka mbaʼéichapa Ñandejára Ñeʼẽ ñanerekomboʼe koʼág̃a meve [elee peteĩ téysto pe rrekuádro oĩvagui páhina 6 ha 7-pe]. Ko rrevístape ojehechauka umi mbaʼe porã jahupytýtava jajapóramo Ñandejára Ñeʼẽ heʼíva.”

¡Despertad! Julio

“Heta tapicha oñehaʼãmbaite hekoporã ha imbaʼeporã hapichakuéra ndive. Ha heʼi umi mbaʼégui ndaiporiha iñimportantevéva. Ndépa mbaʼe repensa upévare? [Ehaʼarõ tokontesta.] Emañamíntena mbaʼéichapa ivaíta ndajahecháiramo opa mbaʼe Ñandejára ohechaháicha [elee Proverbios 14:12]. Ko rrevístape ojehechauka mbaʼépa jajapovaʼerã ñaime porã hag̃ua Ñandejára renondépe.” Ehechauka pe rrevístape oĩva, oñepyrũva páhina 20-pe.

Ñemañaha Agosto

“Ñambyasyetereíningo omanóramo ñandehegui peteĩ jahayhúva. Ndépa ere umi omanovaʼekue osegiha oikove ótro hendápe? [Ehaʼarõ tokontesta.] Jahechami mbaʼeichaitépa ñanemokyreʼỹ Jesús heʼivaʼekue koʼápe [elee Juan 5:28, 29]. Jesús heʼi pe ñemoingove jey oikotaha amo gotyove. Upévare ko rrevístape oñemyesakã moõpa heʼi la Biblia oĩha umi omanovaʼekue.”

¡Despertad! Agosto

Moõpa nde ere tuvakuéra ikatuha ojuhu konsého iporãva ohekomboʼe hag̃ua ifamíliape? [Ehaʼarõ tokontesta.] Jahechami mbaʼépa heʼi koʼápe la Biblia [elee 2 Timoteo 3:16]. Ko rrevísta ohechauka mbaʼéichapa Ñandejára Ñeʼẽ oipytyvõ tuvakuérape ohekomboʼe hag̃ua ifamília ha upéicha oiko hag̃ua vyʼápe.”