Ñañehaʼãkena ñambaʼapove predikasiónpe
1 Apóstol Pablo omokyreʼỹrõ guare ermanokuérape oguata hag̃ua Ñandejára rapére, heʼi avei chupekuéra ‘ojapo japove hag̃ua upéicha’ (1 Tes. 4:1, BNP). Mbaʼépa heʼiséraʼe upérõ? Jahechavaʼerãha mbaʼéichapa ikatu ñambaʼapove predikasiónpe ha ñañehaʼã ‘jajapopa porã ñane rembiapo’ (2 Tim. 4:5).
2 Jajaposevaʼerã. Hiʼãiténingo ñandéve jaservi porãve ñande Apoharépe. Upéicha rupi ñambaʼaposeve chupe g̃uarã. Ñanemomýi avei jaikuaave hag̃ua Jehovápe ha jahecha hag̃ua mbaʼéichapa jaservi porãvéta chupe. Jastudiavaʼerã Ñandejára Ñeʼẽ, ha ñasẽ meme predikasiónpe. Upéva ñanepytyvõta jaservi porãve hag̃ua Ñandejárape (Sal. 1:1, 2; Fili. 4:6; Heb. 10:24, 25).
3 Ñandepyʼaporãvaʼerã ha ñaime jajapo hag̃uáicha opa mbaʼe. Upearã ñañemboʼevaʼerã Jehovápe ha jajepyʼamongeta umi mbaʼe porã Jesús ojapovaʼekuére (Mat. 20:28). Haʼe ningo ovyʼaitereivaʼekue oipytyvõhaguére hapichakuérape (Hech. 20:35). Ñande avei ikatu jajapo Jesús ojapohaguéicha. Jahechaukavaʼerã jajepyʼapyha ñande rapichakuérare ha jajapo opa mbaʼe ikatúva japredikave hag̃ua (Isa. 6:8).
4 Tuvakuéra ehemplovaʼerã ifamiliakuérape. Peteĩ mitã jepe oserviséta Ñandejárape ha hiʼãta avei chupe osẽve predikasiónpe, péro upearã oñemboʼevaʼerã chupekuéra. Umi mitã ningo ohechapaitehína mbaʼépa ojapo ihentekuéra osẽve hag̃ua predikasiónpe ha ombaʼapove hag̃ua Ñandejárape g̃uarã. Peteĩ ermáno ndajeko upéicha rakaʼe, michĩmi guive oipytyvõ ijavuélope kongregasiónpe ha omoirũ chupe predikasiónpe. Haʼe ohecha mbaʼéichapa ijavuélo ombaʼapo kyreʼỹ ha vyʼápe. Upéva omomýi chupe ohecha hag̃ua mbaʼépa ikatu ojapo oipytyvõve hag̃ua ermanokuérape. Koʼág̃a haʼe siérvo ministeriálma kongregasiónpe.
5 Ermanokuéra. ‘Oiméramo oikoséva superintendénteramo, mbaʼe porã ojaposehína.’ (1 Tim. 3:1, BNP.) Péicha oñemokyreʼỹ ermanokuérape ojapo hag̃ua umi mbaʼe tekotevẽva oservi porãve hag̃ua kongregasiónpe. Natekotevẽiningo iprofesión térã ivaleterei katuete peteĩ mbaʼépe. Upéva rangue omotenondevaʼerã Ñandejára goviérno ha opredika kyreʼỹ vaʼerã (Mat. 6:33; 2 Tim. 4:5). Oñehaʼãvaʼerã avei omoĩ ehémplo porã opavavépe.
6 Oñekotevẽva opárupi. Jehová pyaʼevéma omog̃uahẽ pe marandu porã opárupi (Isa. 60:22). Upévare opavave omoirũva Jesúspe ikatuhaguéicha omosarambivaʼerã pe marandu porã. Septiembre 2005 guive septiembre 2006 peve 248.327 oĩkuri ojevautisáva. Ñamoĩ chupe amo seiscientos ochenta arimi káda día. Upévare jahechákena mbaʼéichapa ikatúta jajapo japove predikasiónpe.