Jahejákena ñande rapichakuérape ñande rrevísta Ñemañaha ha ¡Despertad! oñeʼẽva Ñandejárare
1. Mbaʼéichapa jaiporuñaína ñande rrevísta Ñemañaha ha ¡Despertad!?
1 Ñande rrevísta Ñemañaha. Oikuaauka Jehová Sãmbyhy ha ¡Despertad! avei, koʼag̃aite peve jaiporuñaína predikasiónpe ha jastudia hag̃ua ñande rapichakuérandi (Mat. 24:14; 28:19, 20). Igustoiténingo jaiporu koʼã mokõi rrevísta ñañeʼẽ hag̃ua ñande rapichakuérape Ñandejára rehe.
2. Mbaʼe mbaʼémapa oñekambia ñande rrevísta Ñemañaha ha ¡Despertad! rehe ha mbaʼérepa ojejapo upéicha?
2 Heta mbaʼéma ningo oñekambia koʼã ñande rrevístare, oñemomichĩve, oñeñeʼẽvéma pype hetave mbaʼére ha koʼág̃a rupi oñekuaveʼẽ ótro hendáicha. Péicha ojejapo ikatu hag̃uáicha umi hénte oguerohoryve koʼã rrevísta. Ha upéicha avei ñamog̃uahẽ porãve hag̃ua ñande rapichakuérape pe marandu porã, ikatu hag̃uáicha ‘opavave ojesalva ha oikuaa pe añetegua’ (1 Tim. 2:4, BNP).
3. Mbaʼéichapa jaiporuñaína ñande rrevísta japredika jave?
3 Áño 2006 guive peteĩ ¡Despertad! osẽ káda més, ha upéicha rupi ñandekatupyrýma ñaikuaveʼẽ hag̃ua heta hendáicha ko rrevísta. Ha 2007 guive katu ñaikuaveʼẽma avei upéicha ñande rrevísta Ñemañaha. Oikuaauka Jehová Sãmbyhy. Ñane Rembiapo Rréino Reheguápe, pe ipahaitépe oĩhína mbaʼéichapa ikatu ñaikuaveʼẽ ñande rrevistakuéra. Upépe oñeʼẽ jepi umi artíkulo oĩvare iñepyrũme ha sapyʼánte oñeʼẽ avei ótro artíkulo ikatúvare hína oipyʼapy ñande rapichakuérape. Ha katuete osẽ porãvéta ñandéve jalee raẽramo ñande rrevísta jaikuaa hag̃ua mbaʼérepa oñeʼẽ ha upéicha ikatúta japrepara ñane presentasión opyta porãvetaháicha ñande territóriope.
4. Mbaʼérepa ikatu jaiporu ambue presentasión ndaipóriva Ñane Rembiapo Rréino Reheguápe?
4 Ñane Rembiapo Rréino Reheguápe oĩramo jepe mokõi presentasión káda rrevístape g̃uarã, ñande ikatu jahecha ñaikuaveʼẽ ótro hendáicha. Jajapokuaáningo upéva jahecháramo pe ótro artíkulo ogustavetaha umi héntepe. Térã ikatu ñandéve voi ñandegustave peteĩ artíkulo ha ñañeʼẽseve upévare.
5. Mbaʼépa jajapovaʼerã jajeprepara mboyve ñaikuaveʼẽ hag̃ua ñande rrevísta?
5 Mbaʼéichapa jajepreparavaʼerã ñaikuaveʼẽ hag̃ua ñande rrevísta. Ndaikatúiramo jepe jaleepa raẽ ñande rrevísta jaiporu mboyve predikasiónpe, ñañehaʼãvaʼerã jalee pe ártikulo jaiporútava ñañemongeta jave ñande rapichakuéra ndive. Iporã avei ojehecha ñanderehe ñanekyreʼỹha ha ñande pyʼaitégui osẽha pe jaʼéva. Upearã ñantende porã vaʼerã pe informasión jaiporútava japredika jave.
6. Mbaʼéichapa ikatu jajeprepara ñaikuaveʼẽ hag̃ua opyta porãveháicha ñandéve?
6 Ñapensa porã vaʼerã mbaʼépa jaʼéta ñañemongeta ñepyrũ hag̃ua. Ikatu ñaporandu peteĩ mbaʼe oikuaasétava umi hénte ha oĩvahína pe artíkulo jaiporútavape. Aníkena ñanderesarái, jaiporúramo Ñandejára Ñeʼẽ ñag̃uahẽ porãvetaha umi ñanerendúvape (Heb. 4:12). Upévare jaiporavovaʼerã peteĩ téysto omyesakãva pe jaʼevañaína. Ha iporãvéta voi katu jaiporavóramo pe artíkulope oĩva ha ñañeʼẽ hese.
7. Mbaʼe jajapóramopa ñandekatupyryvéta ñaikuaveʼẽ hag̃ua ñande rrevistakuéra?
7 Oimehápe ñaikuaveʼẽvaʼerã. Jaiporu meme vaʼerã ñane presentasión japreparavaʼekue ikatu hag̃uáicha osẽ porã ñandéve. Ñasẽvaʼerã sabadokue japredika ñane kongregasión ndive, ha jagueraha ñande rrevistakuéra ñaikuaveʼẽ hag̃ua. Ñaikuaveʼẽkuaa umi tapicha ohejávape jepi ñane puvlikasionkuéra. Ñameʼẽkuaa avei umi estudiántepe ha umi ñande rapicha javisita jeývape, ha oĩvéramo hénte upérupi katu, jaaprovechavaʼerã ñameʼẽ hag̃ua chupekuéra. Javiaha térã jaha jave ñambaʼejogua, térã jaha jave doktórpe, jaguerahavaʼerã ñande rrevistakuéra ñameʼẽ hag̃ua umi ñande rapichápe. Jajapóramo upéicha, ñandekatupyryvétama ñaikuaveʼẽ hag̃ua ñande rrevistakuéra.
8. Mbaʼérepa ndaijojahái ñande rrevísta Ñemañaha ha ¡Despertad!?
8 Ñande rrevísta Ñemañaha. Oikuaauka Jehová Sãmbyhy ha ¡Despertad! ningo ndaijojahái. Omombaʼeguasu Jehovápe Mburuvicha Guasúramo yvága ha Yvýpe (Hech. 4:24). Ombopyʼaguapy ñande rapichakuérape pe marandu porã rupive ha omokyreʼỹ chupekuéra ojerovia hag̃ua Jesucrístore (Mat. 24:14; Hech. 10:43). Koʼã rrevísta omombeʼu avei ñandéve mbaʼéichapa umi mbaʼe oikóva ko múndope okumplihína la Biblia heʼíva (Mat. 25:13). Ñameʼẽkena ñande rapichakuérape koʼã rrevísta ikatu hag̃uáicha oipytyvõ avei chupekuéra. Ha jajepreparákena ñaikuaveʼẽ hag̃ua oimehápe.
9. Mbaʼépa jajapovaʼerã ñambohape hag̃ua peteĩ rrevisíta?
9 Ñamohuʼã hag̃ua katu, jahechavaʼerã mbaʼépa ikatu ñaporandu térã jaʼe ikatu hag̃uáicha ñamopensa umi ñanerendúvape. Upéicha jajapóramo, ndohejáiramo jepe ñandehegui ñande rrevísta, ikatúta hína jaha jey ñañemongeta hag̃ua hendivekuéra umi mbaʼe oikuaasevévare. Kyreʼỹme ñasẽramo ñamombeʼu pe marandu porã, katuete Jehová ñanepytyvõta jajuhu hag̃ua umi tapicha añetehápe oikuaase ha oservisévape chupe (1 Cor. 3:6).