Umi mbaʼe jaikuaaséva

◼ Oĩramo ñande rapicha oikuaasevéva Ñandejárape, mbaʼe mokõi puvlikasiónpa jastudiavaʼerã hendivekuéra?

Pe lívro Mbaʼépa omboʼe la Biblia? ningo jaiporuvaʼerã jastudia hag̃ua ñande rapicha ndive. Ñepyrũrã jaiporúramo ótra puvlikasión, tahaʼe tratádo jepe, upe riremínte jaiporumavaʼerã pe lívro Mbaʼépa omboʼe la Biblia? Ojeporúramo ko lívro ojestudia hag̃ua umi tapicha oikuaasevéva ndive, katuete ojehupyty heta mbaʼe porã.

Jastudiapa vove ñande rapicha ndive pe lívro Mbaʼépa omboʼe la Biblia?, ikatu jastudia hendive pe lívro Ñamombaʼeguasu Ñandejárape (Col. 2:7). Páhina 2-pe oñemombeʼu mbaʼépepa ñanepytyvõta ko lívro, upépe heʼi: “La Biblia ñanemokyreʼỹ opavave jahayhúva Ñandejárape ‘jaikuaa porã hag̃ua [...] mbaʼeichaitépa [...] ipypuku ha ijyvate’ umi mbaʼe porã ñanemboʼéva (Efesios 3:18). Upearã ojejapo ko lívro. Hiʼãite oréve nepytyvõ remombarete hag̃ua nde jerovia ha avei reguata hag̃ua pe tape poʼi oporoguerahávare Ñandejára múndo pyahúpe”.

Ñane estudiánte ojevautisáramo jastudiapa mboyve hendive koʼã mokõi lívro, ikatúnte jasegi jastudia hendive upe rire. Ojevautisámaramo jepe ñane estudiánte ikatu gueteri ñambohasa ñane infórmepe, óra, rrevisíta ha estúdioramo. Ñanemoirũramo peteĩ puvlikadór jajapo hag̃ua ñande estúdio ha ñanepytyvõramo, ikatu avei ombohasa iñinfórmepe upe óra.