Mbaʼéichapa ñaikuaveʼẽta ñande rrevísta
Ñemañaha 1 de abril
“Ndépa ndereipotaichéne oñekumpli koʼápe heʼíva? [Elee Isaías 2:4 ha ehaʼarõ tokontesta.] Koʼápe ohechauka Ñandejára ‘omoĩtaha hendápe’ umi yvypóra hembiapo vaívape. La Biblia heʼi avei Ñandejára Armagedón rupive oipeʼaitetaha opaichagua ñorairõ. Ko rrevístape oñemyesakã porã hína mbaʼépa heʼise pe Armagedón ha mbaʼérepa vyʼápe ikatu ñahaʼarõ.”
¡Despertad! Abril
“Enterovénte ningo heta ñane rembiapo, upéicha rupi heta tapichápe hasy omboyke hag̃ua tiémpo Ñandejárape g̃uarã. Oimevaʼerã ndéve avei hasy rejapo hag̃ua upéva [ehaʼarõ toneʼẽ ha upéi elee chupe Efesios 5:15-17]. La Biblia omombeʼu ñandéve mboy tiémpopa Ñandejára oipota jaiporu jaservi hag̃ua chupe ha ko rrevístape rejuhúta upéva.” Ehechauka oĩva páhina 20-pe.
Ñemañaha 1 de mayo
“Heta yvypóra heʼi Ñandejárare: ‘Ahechárõmante aroviáne’. Ha ndépa mbaʼe repensa? [Ehaʼarõ tokontesta ha upéi elee chupe Romanos 1:20.] Ko rrevístape ojehechauka ñandéve ñande Apohare rembiapokue ñanemboʼeha chugui mbohapy mbaʼe iporãitereíva. Omyesakã porã avei ñandéve mbaʼérepa jaikuaasevaʼerã umi mbaʼe.”
¡Despertad! Mayo
“Heta ñande rapicha oĩ okyhyjéva ndoikuaáigui mbaʼépa ohaʼarõ chupe. Ndépa ere iporãvéne hag̃ua amo gotyove ñane situasión? [Ehaʼarõ tokontesta ha upéi elee chupe Revelación 21:3, 4.] Ko rrevístape oñemyesakã porã mbaʼérepa ikatu jajerovia Ñandejára koʼẽrõitéma omyatyrõtaha opa mbaʼe vai yvypóra ndaikatúiva omyatyrõ.”