Hetaiterei hénte ojerure Ñandejárape: “Tou ne Rréino”
¿Ndépa rejerurémava Ñandejárape tou Irréino? Ymaite guive oĩ hetaiterei hénte ojeruréva upéva pe ñemboʼe oñehenóivape “padrenuéstro”. ¿Mbaʼérepa ojapo hikuái upéicha? Pórke Jesús voi heʼi vaʼekue idisipulokuérape ojerure hag̃ua tou Ñandejára Rréino.
Primerorã Jesús disipulokuéra nontendeporãi vaʼekue umi mbaʼe haʼe heʼíva Ñandejára Rréinore. Upévare peteĩ vuéltape haʼekuéra oporandu chupe: “Ore Ruvicha, ¿nde piko remoĩ jey hína ko tiémpope Ñandejára goviérno Israélpe?”. Ha katuete oiméne osorprende raʼe chupekuéra Jesús ndeʼíri hague arakaʼetépa oúta pe Rréino (Hechos 1:6, 7). ¿Heʼisépa upéva ndaikatuiha jaikuaa mbaʼépa Ñandejára Rréino ha arakaʼépa oúta? ¡Nahaniriete voi!
Ko rrevísta Ñemañaha nepytyvõta ikatu hag̃uáicha rembohovái koʼã porandu:
¿Mbaʼépa Ñandejára Rréino?
¿Mbaʼérepa ñaikotevẽ Ñandejára Rréino?
¿Mávapa ogovernáta Ñandejára Rréinope?
¿Arakaʼépa Ñandejára Rréino oñepyrũta ogoverna ko yvy ape ári?
¿Mbaʼe mbaʼépa ojapóta Ñandejára Rréino?
¿Mbaʼérepa koʼág̃ama ñañemoĩ vaʼerã Ñandejára Rréino poguýpe?