Mbaʼéichapa ikatu ñaikuaveʼẽ ñande rrevistakuéra

Ñemañaha Julio-Septiembre

“Ikatúnepa ñandepyʼaguapy hetaite provléma paʼũme? Ndépa mbaʼe repensa? [Ehaʼarõ tombohovái.] Tahechaukamína ndéve mbaʼépa heʼi la Biblia [elee Filipenses 4:​6, 7]. Ko rrevísta ohechauka mbaʼéichapa Ñandejára ikatu ñanembopyʼaguapy.” Ehechauka chupe pe artíkulo oĩva páhina 10-pe.

¡Despertad! Septiembre

“Oĩ heta opensáva ñaneñañáramo jahataha infiérnope jahasa asyve hag̃ua. Ha ótro katu heʼi Ñandejára arakaʼeve ndojapomoʼãiha upéva. Ndépa mbaʼe repensa? [Ehaʼarõ tombohovái.] Jahechamína mbaʼépa heʼi Ñandejára Ñeʼẽ [elee 1 Juan 4:8]. Koʼápe heʼíva ñanemopensa ajépa? Ko rrevísta oñeʼẽve ko témare.” Ehechauka chupe pe artíkulo oĩva páhina 10-pe.

Ñemañaha Octubre-Diciembre

“Ndaipóri ko yvy ape ári peteĩ tapicha naiprovlémaiva [remombeʼukuaa umi provléma hetave héntepe oipyʼapýva]. Ndépa mbaʼe rekalkula, mbaʼéichapa Ñandejára ñanepytyvõkuaa jaropuʼaka hag̃ua? [Ehaʼarõ tombohovái.] Jesucristo omombeʼu ñandéve [elee Lucas 11:13]. Mbaʼépa hína pe pytu marangatu, ha mbaʼéichapa ñanepytyvõkuaa? Ko rrevísta omyesakã porãve upéva.”

¡Despertad! Octubre

“Koʼág̃a rupi haʼete ku ndaipóriva voi ni peteĩ família oikóva vyʼapópe, oĩmantevaʼerã provléma tahaʼe tuicháva térã michĩva. Ajéiko ou porãitéta ñandéve oĩramo peteĩ ñanerekomboʼéva ponoike ñaneprovléma heta! Ndépa mbaʼe repensa, mávapa ikatúne ñanepytyvõ? [Ehaʼarõ tombohovái ha upe rire elee Salmo 32:8.] Ko rrevísta espesiál ohechauka mbaʼépa ojapovaʼerã peteĩ família ovyʼave hag̃ua.”