La Biblia: el poder que ejerce en su vida

La Biblia ningo oipytyvõma hetaiterei héntepe okambia hag̃ua hekove. Ipype jatopa heta mbaʼe porã. Por ehémplo, ohechauka ñandéve mbaʼeichapa ikatu ñambohovái umi provléma jahasava ára ha ára. Mbaʼe konséhopa omeʼẽ ñandéve? Jaikuaa hag̃ua upéva, ikatu jahecha pe vidéo La Biblia: el poder que ejerce en su vida, oĩva pe DVD héravape La Biblia: libro de hechos y profecías. Ha upe rire ñambohovái koʼã porandu:

1) Mbaʼérepa la Biblia ndaikatúi ñambojoja mbaʼeveichagua lívrore? (Heb. 4:12.) 2) Añetehápe la Biblia oipytyvõramo enterovévape, mbaʼére piko upéicharõ yvyporakuéra hetaite iprovléma? 3) Mbaʼe témarepa oñeʼẽ la Biblia? 4) Mbaʼe téystopa oipytyvõ umi omendávape a) oñemongetave hag̃ua ha b) ojejokokuaave hag̃ua? 5) Mbaʼérepa umi omendáva ovyʼavéta hogayguándi ojapóramo la Biblia heʼíva? (Efe. 5:28, 29.) 6) Mbaʼéichapa osegikuaa Jehová ehémplo opavave ifamíliava? (Mar. 1:9-11.) 7) Mbaʼépa ojapokuaa tuvakuéra ikatu hag̃uáicha hogaygua ovyʼave ostudia jave oñondivepa? 8) Tuvakuéra ohekomboʼéramo jepe ifamíliape Ñandejára rape, mbaʼépa heʼi la Biblia ojapovevaʼerãha? 9) Mbaʼe konséhopa oipytyvõkuaa familiakuérape ivaíramo jepe la pórte? 10) Mbaʼéichapa ñanepytyvõta ñaneresãive hag̃ua jasegíramo koʼã konsého omeʼẽva la Biblia: ñanepotĩvaʼerã, ndovaléi jaiporu dróga ni jaʼu rasa vevída ha mbaʼépa jajapovaʼerã pono ñanekaneʼõiterei? 11) Mbaʼe promésapa ñanembopyʼaguapy? (Job 33:25; Sal. 145:16.) 12) Mbaʼéichapa okambia nde rekove la Biblia omboʼéva? 13) Mbaʼéichapa reiporukuaa ko vidéo reipytyvõ hag̃ua nde rapichakuérape?