“Ani rekyhyje”

1. Mbaʼérepa ikatu ñañeñandu Jeremías oñeñandu haguéicha?

¹ Jeremíasgui oikórõ guare proféta oimoʼã ndaikatumoʼãiha ojapo porã upe tembiapo. Péro Jehová ombopyʼaguapy chupe heʼívo: “Ani rekyhyje”. Ha upe rire omombarete chupe okumpli hag̃ua upe tembiapo (Jer. 1:6-10). Koʼág̃a avei ñande ikatu ñañeñandu upéicha, pór ehémplo ñaneotĩ térã ndajajeroviái rupi ñandejehe ikatu jakyhyje japredika hag̃ua. Sapyʼánte koʼã mbaʼe ñandejokoite voi, ñaimoʼãgui umi hénte nañanerendusemoʼãiha térã otakytaha ñanderehe. Mbaʼépa ñanepytyvõta anive hag̃ua jakyhyje? Ha mbaʼépa ikatúta jahupyty ñañehaʼãramo ñambohovái koʼã mbaʼe?

2. Mbaʼéichapa ñandepyʼaguasuvéta japredika hag̃ua?

² Ñañembosakoʼivaʼerã. Jajeprepara porãramo japredika hag̃ua ñandepyʼaguasuvéta. Pór ehémplo, jaha mboyve japredika ikatu jajeprepara ñambohovái porã hag̃ua umi mbaʼe pyʼỹinte oñeporandu térã ojeʼéva ñandéve japredika jave (Pro. 15:28). Upearã ikatu ñañensaja ñandeaty vove jastudia hag̃ua ñande rogayguándi umi mbaʼe ikatúva ojeʼe ñandéve eskuéla térã predikasiónpe (1 Ped. 3:15).

3. Mbaʼérepa tekotevẽ jajerovia Jehováre ani hag̃ua jakyhyje?

³ Jajeroviavaʼerã Jehováre. Jajeroviáramo Jehováre ikatúta ñandepyʼaguasuve, jaikuaágui haʼe oĩtaha ñande ykére (Isa. 41:10-13). Mbaʼépa ikatu avei jajapo? Jesús heʼivaʼekue Ñandejára espíritu sánto ñanepytyvõtaha japredika porã hag̃ua oñepresentáramo peteĩ situasión ñahaʼarõʼỹva (Mar. 13:11). Upévare jajerure meme vaʼerã Jehovápe ijespíritu sánto (Luc. 11:13).

4. Mbaʼépa jahupytýta jasegíramo japredika ijetuʼúramo jepe ñandéve?

⁴ Mbaʼépa jahupytýta. Jasegíramo japredika ijetuʼúramo jepe, ñandepyʼaguasúta ha ndajahejamoʼãi mbaʼeve ñandejoko. Upéicha ojekuaáta Ñandejára espíritu sánto ñanepytyvõha (Hech. 4:31). Avei jagueropuʼakáta umi provléma ikatúva jahasa, jajeroviavéta Jehováre ha ndajakyhyjemoʼãi, jaikuaa rupi Haʼe katuete ñanepytyvõha (Isa. 33:2). Avei ñandepyʼarorýta jaikuaágui ñambovyʼaha ñande Ru yvagapeguápe (1 Ped. 4:13, 14). Upévare, aníkena jaheja mbaʼeve ñandejoko ha kyhyjeʼỹme ñamyerakuã pe marandu porã. Jehová ningo katuete oĩta ñande ykére ñanepytyvõ hag̃ua.