Mbaʼéichapa ikatu ñaikuaveʼẽ ñande rrevistakuéra

Ñemañaha Octubre-Diciembre

Emombeʼu peteĩ mbaʼe oipyʼapýva umi hénte nde territorioguápe. Upéi ere: “Ndépa mbaʼe repensa, mbaʼérepa umi hénte ojapo hetaite mbaʼe vai? [Ehaʼarõ tombohovái.] La Biblia tuicha ñanembopyʼaguapy ohechaukávo Ñandejára ojapótava koʼẽrõite [elee 2 Pedro 3:13]. Avei omombeʼu mbaʼérepa oĩ heta iñañáva, mbaʼéicha ha arakaʼépa Ñandejára omyatyrõta koʼã mbaʼe. Ko rrevísta oñeʼẽve upe témare.”

¡Despertad! Octubre

“Oĩ heta tapicha opensáva Ñandejára imbaretetereiha péro ndojepyʼapýi ñanderehe. Ambue katu oguerovia ñanderayhu ha oipotaha jaikuaave chupe. Ndépa mbaʼe repensa? [Ehaʼarõ tombohovái.] Ahechaukasemi ningo ndéve mbaʼépa heʼi Ñandejára Ñeʼẽ [elee 1 Pedro 5:6, 7]. Ko rrevísta omyesakã porãve upe téma la Biblia rupive.” Ehechauka pe artíkulo oĩva páhina 29-pe.

Ñemañaha Octubre-Diciembre

“Heta hénte ningo oreko la Biblia péro saʼi olee. Ndépa ere iporãha jalee? [Ehaʼarõ tombohovái.] Añetehápe tuicha ikatu ñanepytyvõ la Biblia heʼíva, jahechamína mbaʼérepa [elee Romanos 15:4]. Péro, mbaʼéichapa jaleevaʼerã ideprovécho hag̃ua ñandéve? Ko rrevísta omyesakã porãve upéva.” Ehechauka chupe pe artíkulo oĩva páhina 21-pe.

¡Despertad! Noviembre

“Heta ndojeroviáiva Ñandejárare heʼi jaiko porãvetaha ndaipóriramo mbaʼeveichagua rrelihión. Oĩ opensáva upéicha ohechágui hetaiterei mbaʼe vai ojejapoha Ñandejára rérape. Ndépa reguerovia avei upéva? [Ehaʼarõ tombohovái.] Ñepyrũrã ahechaukamíta ndéve mbaʼérepa heta rrelihión hetaitéma oporombohasa asy [elee 2 Timoteo 4:3, 4]. Péro avei umi ndojeroviáiva Ñandejárare heʼi heta mbaʼe noĩporãiva. Ko rrevísta oñeʼẽve upévare.”