Jaiporu hag̃ua predikasiónpe

Mbaʼéichapa ikatu ñamoñepyrũ estúdio vívliko primer sábado de junio

“Heta hénte ningo ofesteha Jesús onase hague ára, péro mbaʼépa nde repensa, ¿iñimportántepa avei jagueromanduʼa pe ára omano hague?” Ehaʼarõ tombohovái, upéi ehesaʼỹijo hendive pe primer porandu oĩva Ñemañaha abril-junio páhina 24-pe, ha elee chupe peteĩ téysto oĩva upépe. Upe rire eikuaveʼẽ chupe pe rrevísta ha eporandu arakaʼépa ikatu reho jey hendápe pehesaʼỹijo hag̃ua ambue porandu.

Ñemañaha Abril-junio

“Koʼág̃a rupi umi pelíkulape pyʼỹi ohechauka umi demónio, vrúha ha paje apoha. Ndépa mbaʼe repensa, ¿añetehápepa oeysisti umi demónio? [Ehaʼarõ tombohovái ha upéi elee Marcos 1:23, 24.] Ko rrevísta ohechaukáta ndéve mbaʼépa heʼi la Biblia umi demóniore ha avei mbaʼépa rejapovaʼerã pono ndeperhudika. [Ehechauka chupe páhina 18.]”

¡Despertad! Junio

“Káda áño hetaiterei tapicha hasy, hoʼu rupi hiʼupy ikyʼa ha naiporãiva. Ndépa mbaʼe repensa, ¿ikatúpa jaʼe umi tembiʼu jaʼúva koʼág̃a rupi isáno ha ipotĩha? [Ehaʼarõ tombohovái.] La Biblia ohechauka koʼẽrõitéma Ñandejára omeʼẽtaha hetaiterei hiʼupy ipotĩ ha isánova [elee Salmo 104:14, 15]. Ko rrevísta omombeʼu cuatro mbaʼe ikatúva jajapo pono ñanembohasy ñandéve ha ñande rogayguakuérape umi mbaʼe jaʼúva.”